दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

रिडी पावर कम्पनीको साधारणसभा सम्पन्न, अर्को वर्ष राम्रो डिजिटमा लाभांश दिने प्रतिबद्धता

न्यूजलाईन्स् मिडिया संवाददाता
प्रकाशित मिति : २०८० पुष २८ गते, शनिबार १६:१२

काठमाडौं । रिडी पावर कम्पनी लिमिटेडले अर्काे वर्ष राम्रो डिजिटमा सेयरधनीलाई लाभांश दिने प्रतिबद्धता गरेको छ । पुष २८ अर्थात शनिबार इन्द्रेणी कम्प्लेक्स नयाँ बानेश्वरमामा सम्पन्न २२ औं वार्षिक साधारणसभालाई सम्बोधन गर्दै कम्पनीका अध्यक्ष संजिव न्यौपानेले यस्तो बताएका हुन् ।
कम्पनीका अध्यक्ष संजिव न्यौपानेको अध्यक्षतामा सम्पन्न साधारणसभाले आर्थिक वर्ष २०७९/८० को संचालक समितिको प्रतिवेदनमाथि छलफल गरी पारित गरेको छ । त्यसै गरी सभाले लेखा परिक्षण प्रतिवेदन सहितको आषढ ३१, २०८० को वासलात, नाफा नोक्सान हिसाब तथा नगद प्रवाह विवरण लगायत वित्तिय विवरणहरुमाथि छलफल गरी पारित गर्नुको साथै आर्थिक वर्ष २०८०/८१ कोे लागि लेखा परीक्षकको नियुक्ति गर्नुको साथै निजको पारिश्रमिक निर्धारण गरिएको छ ।
कम्पनीको मातहतमा अहिले ४ वटा आयोजनाहरु संचालनमा रहेका छन् । कम्पनीको पहिलो जलविद्युत आयोजना धादिङ्ग जिल्लाको थाक्रे गाउँपालिकामा ५०० किलोवाट क्षमताको रैराङ खोला जलविद्युत आयोजना २०६१ सालदेखि संचालनमा छ भने दोस्रो आयोजना रीडी खोलामा २४०० किलोवाट क्षमताको रीडीखोला जलविद्युत आयोजनाको निर्माण २०६६ सालमा सम्पन्न गरी राष्ट्रिय ग्रिड प्रणालीमा विद्युत आपूर्ति गरिरहेको छ । त्यसै गरी कम्पनीको तेस्रो आयोजना पाँचथर र ताप्लेजुङ जिल्लाहरुको सीमाना भएर बहने इवा खोलामा ९९०० किलोवाट क्षमताको इवाखोला जलविद्युत आयोजनाको निर्माण पुरा भई २०७६ साल आश्विन २० गतेबाट व्यवसायिक उत्पादन गरी राष्ट्रिय ग्रीड प्रणालीमा विद्युत आपूर्ति गरिरहेको छ । त्यसै गरी कम्पनीको चौथो आयोजनाको रुपमा लुम्बिनी प्रदेश, रुपन्देही जिल्लाको तिलोत्तमा नगरपालिकामा ८५०० किलोवाटको बुटवल ग्रिड जडित सौर्य विद्युत आयोजनाको निर्माण गरी २०७७ साल कार्तिक १५ गतेदेखि निरन्तर रुपमा व्यवसायिक उत्पादन गर्दै आईरहेको छ । यसरी सम्पूर्ण आयोजना गरी कम्पनीको मातहतमा कला कुल २१.३१ मेगावाटका विद्युत आयोजनाहरु संचालनमा रहेका छन् । रिडी पावर कम्पनीको लगानी रहेको साझा पावर डेभलपमेन्ट प्राइभेट लिमिटेडले अहिले २० मेगावाट क्षमताको तल्लो बलेफी खोला जलविद्युत आयोजना निर्माण गरिरहेको छ । यस आयोजनामा कुमारी बैंकको मुख्य लगानी रहेको छ । यस आयोजनामा लगानीकर्तालाई संस्थापक सेयरमा लगानी गर्ने अवसर दिइरहेको कम्पनीले जनाएको छ ।

फेसबुक प्रतिक्रिया
सम्बन्धित शीर्षकहरु