सेन्ट जर्ज स्कुलमा गुरुपूर्णिमा सम्पन्नरुपन्देहीमा सिद्धार्थ डेरी साइकल यात्रीलाई मोही वितरणकाभा यू–२० महिला भलिबल ः नेपालले सेमिफाईनलमा कीर्गिस्तानसँग खेल्नेप्रधानमन्त्री ओलीलाई दुईतिहाई सांसदको समर्थन, पाए विश्वासको मतकवि राजेन्द्र ओझा ‘नयन’द्वारा रचित ‘अभिलाषाका झारहरू’ कवितासङ्ग्रह विमोचनचितवनमा “तपाईं बजार” को शुभारम्भलोक दोहोरी गीत ‘दमौलीमा गेट" को रिमेक भर्सन बजारमा [भिडियो]गुरुप्रति सम्मान भाव प्रकट गरी आज गुरु पूर्णिमा पर्व मनाइँदैदाना कपमा नेपाली टोली डेन्मार्क प्रस्थाननेपाल बक्सिङ महासंघको चौथो पूर्ण कार्यसमितिको बैठक सम्पन्न

फेकनद्वारा ओएसिसलाई सम्मान

न्यूजलाईन्स् मिडिया संवाददाता
प्रकाशित मिति : २०८० पुष २९ गते, आईतवार १९:२३

काठमाडौं, पौष २९ । स्वतन्त्र शैक्षिक परामर्श संघ (फेकन) ले काठमाडौंको भक्तपुर बस स्टेण्डमा रहेको ओएसिस एब्रोड स्टडी सर्भिसेस एण्ड कन्सल्टेन्सी प्राइभेट लिमिटेडलाई सम्मान गरेको छ ।
फेकनको १३ औं साधारणसभामा यो कन्सल्टेन्सीलाई सम्मानपत्रद्वारा सम्मान गरिएको हो । संस्थाको साधारणसभालाई सफल बनाउन योगदान गरेबापत सम्मान गरिएको आयोजकले जनाएको छ । कन्सल्टेन्सीका प्रबन्ध निर्देशक राम थापाले संस्थाले गरेको सम्मानले आफूलाई थप उत्साहित बनाएको बताए । थापाले भोलिका दिनमा पनि संघसंस्थाको हित हुने प्रकारका सामाजिक काममा आफूहरु थप सक्रिय बन्ने बताएका छन् । १६ वर्षदेखि विद्यार्थीलाई सही शैक्षिक परामर्श दिँदै आएको ओएसिसले क्यानडा, अष्ट्रेलिया, यूएसए, यूकेलगायतका देशमा विद्यार्थीलाई उच्च शिक्षाको लागि परामर्श दिँदै आएको छ । प्रबन्ध निर्देशक थापासहित कन्सल्टेन्सीकी इन्टरनेशनल रिलेसन डाइरेक्टर रेश्मा राजथलालाई फेकनका अध्यक्ष राजु निरौलाले संयुक्त रुपमा सम्मानपत्र प्रदान गरे ।
राजथलाले फेकनलाई पुर्याएको योगदानको सम्मान गर्दै उनलाई पनि छुट्टै सम्मान गरिएको फेकनले जनाएको छ । शिक्षा राज्यमन्त्री प्रमिला यादव, फेकनका अध्यक्ष राजु निरौलालगायतले उनलाई सम्मान गरेका हुन् । फेकनको गर्विलो इतिहास निर्माण गर्न फेकनलाई शैक्षिक परामर्शको क्षेत्रमा गर्वलायक संस्था बनाउन राजथलाले खेलेको भूमिकाको कदर गर्दै सम्मान गरिएको सम्मानपत्रमा लेखिएको छ ।
राजथला गत असार २३ गते भएको फेकनको निर्वाचनमा उपाध्यक्षको उम्मेदवार थिइन् । उनी फेकनलाई सबैको साझा थलोको रुपमा विकास गर्नुपर्ने बताउँछिन् । ‘मैले उपाध्यक्ष भएर केही राम्रा काम गर्ने योजना बनाएको थिएँ, त्यो पूरा गर्न पाइन तर पनि म बाहिर रहेर जे गर्न सक्छु त्यो गर्छु’ उनी भन्छिन ‘व्यवसायी साथीहरुले पनि सबै एकजुट भएको हेर्न चाहनुभएको छ, जो जहाँ छौं शैक्षिक परामर्शको लागि नै योगदान गर्नुको अरु विकल्प छैन ।’
राजथलाले आफू कार्यसमिति सदस्य हुँदा पनि आफ्ना धेरै योजना लागू गरेको बताएकी छिन् । संस्थाले दिएको सम्मानबाट आफूलाई थप जिम्मेवारी प्रदान भएको उनको भनाई छ ।

फेसबुक प्रतिक्रिया
सम्बन्धित शीर्षकहरु