एन्जल्स हार्ट स्कुल फुटबल क्लब गोल्ड कोस्ट अन्तर्राष्ट्रिय फुटसल प्रतियोगितामा शुक्रबार समूह चरणको आफ्नो दुवै खेलमा पराजित भएको छ । हारसंगै एन्जल्स हार्टको चुनौती समाप्त भएको छ ।
समूह ‘सी’ को लिगमा बुन्दवर्ग वाइल्ड क्याट्सले एन्जल्स हार्टलाई ६–२ ले पराजित ग¥यो । एन्जल्स हार्टका कप्तान अभिनम गौतम र विपिस मल्लले समान १–१ गोल गरे । अर्को खेलमा इस्ट सिटी वुल्भ्सले एन्जल्स हार्टलाई ११–० ले हरायो ।
समूह ‘सी’ मा एन्जल्स हार्टसहित ५ टिम थिए । एन्जस्ल सबै खेलमा पराजित भयो । यसअघि एन्जल्स हार्ट इप्सविच फुटसलसंग ११–४ तथा क्यारिना फुटसलसंग ९–१ गोलले पछि परेको थियो ।
अस्ट्रेलियाको गोल्ड कोस्टमा जारी प्रतियोगितामा एन्जल्स हार्ट जम्मा ७ गोल गर्न सफल भयो । टोलीका लागि अभिनम गौतमले ह्याट्रिकसहित ५ गोल गरे भने मविन्द्र पुन र विपिस मल्लले समान १–१ गोल गरे । टोली जनवरी २३ तारिखमा स्वदेश फर्किने टिम व्यवस्थापक सुमन तिमल्सिनाले जनाएका छन् ।
२०८१ आश्विन २० - आईतवार
