काठमाडौं, ८ माघ । प्रधानमन्त्री पुष्पकमल दाहाल ‘प्रचण्ड’ ले सम्बन्धित मन्त्रालय र विभागका अधिकारीहरू बोलाएर राष्ट्रिय परिचयपत्र, सवारीचालक अनुमतिपत्र र राहदानी सेवालाई थप व्यवस्थित बनाउनेबारे छलफल गरेका छन् ।
साथै, उनले सवारीचालक अनुमतिपत्रको परीक्षा पास गरेर राजश्वसमेत बुझाएकाहरुलाई छिटो लाइसेन्स उपलब्ध गराउन निर्देशनसमेत दिएका छन् ।
‘जो–जो नागरिकले सवारीचालक अनुमतिपत्रको परीक्षा पास गरेर राजश्वसमेत बुझाउनुभएको छ, उहाँहरूको लाइसेन्स छिटो उपलब्ध गराउनुस्। यो राज्यको दायित्व हो,’– प्रधानमन्त्री प्रचण्डले भने ।
आजको दुनियाँ प्रविधिको दुनियाँ बनिसकेको बताउँदै प्रधानमन्त्री प्रचण्डले इन्टिग्रिटेड टेक्नोलोजीमा जानुको अर्को बिकल्प नरहेको बताए । साथै, उनले देशका लागि आवश्यक पर्ने प्रविधिको विकास र प्राविधिकहरूको उत्पादन राष्ट्रिय कार्यभार भएको बताउँदै यसका लागि योजनावद्ध रूपमा काम गर्न आग्रह गरे ।
२०८१ माघ १ - मंगलवार
