माघ -१२, प्रत्येक शुक्रबार विद्यालयले विद्यार्थीहरु बिच अतिरिक्त क्रियाकलाप संचालन गर्ने गर्दछ । हरेक हप्ता संचालन भएका अतिरिक्त क्रियाकलाप अन्तरगत हाजिरी जवाफ, सम्वाद लेखन, हिसाब दौड, हिसाब सुत्र संकलन प्रतियोगितामा उत्कृष्टता हाँसिल गर्ने विद्यार्थीहरूलाई पुरस्कार वितरण गरिएको जानकारी विद्यालयका प्र.अ मेघनाथ अधिकारीले जानकारी गराए ।
सो पुरस्कार वितरण कार्यक्रममा यस वर्षको दोस्रो त्रैमासिक परीक्षाफल प्रकाशित गर्नुका साथै परीक्षामा प्रथम, द्वितीय र तृतीय स्थान प्राप्त गर्ने विद्यार्थी भाइ-बहिनीहरूलाई पुरस्कार वितरण गरिएको कुरा ब्यवस्थापन समितिका सदस्य सोकनाथ गौतमले जानकारी गराए ।
विद्यालयका शिक्षक माधब नेपालले अतिरिक्त क्रियाकलापमा उत्कृष्टता प्राप्त गर्ने र परीक्षामा विभिन्न स्थान प्राप्त गर्ने सबै विद्यार्थी भाइ-बहिनीहरूलाई बधाई दिदै आगामी दिनमा पहिलो प्राथमिकता पढाइलाई दिई थप मेेहनतका साथ अझ राम्रो गर्दै जान हौसला प्रदान गरेका थिए ।
२०८१ आश्विन ४ - शुक्रबार
