सेन्ट जर्ज स्कुलमा गुरुपूर्णिमा सम्पन्नरुपन्देहीमा सिद्धार्थ डेरी साइकल यात्रीलाई मोही वितरणकाभा यू–२० महिला भलिबल ः नेपालले सेमिफाईनलमा कीर्गिस्तानसँग खेल्नेप्रधानमन्त्री ओलीलाई दुईतिहाई सांसदको समर्थन, पाए विश्वासको मतकवि राजेन्द्र ओझा ‘नयन’द्वारा रचित ‘अभिलाषाका झारहरू’ कवितासङ्ग्रह विमोचनचितवनमा “तपाईं बजार” को शुभारम्भलोक दोहोरी गीत ‘दमौलीमा गेट" को रिमेक भर्सन बजारमा [भिडियो]गुरुप्रति सम्मान भाव प्रकट गरी आज गुरु पूर्णिमा पर्व मनाइँदैदाना कपमा नेपाली टोली डेन्मार्क प्रस्थाननेपाल बक्सिङ महासंघको चौथो पूर्ण कार्यसमितिको बैठक सम्पन्न

भोजपुरी टेलिसिरियल ‘खेलाडी’ को घोषणा

न्यूजलाईन्स् मिडिया संवाददाता
प्रकाशित मिति : २०८० फाल्गुन ५ गते, शनिबार १७:२३

२५ फेब्रुअरीदेखि भोजपुरी भाषाको टेलिश्रृंखला प्रसारण हुँदै
नेपालीहरुद्वारा निर्मित पहिलो भोजपुरी कमेडी ‘खेलाडी’ आउँदै
काठमाडौं । नेपालमा पहिलोपटक नेपाली कलाकर्मीहरुद्वारा निर्मित भोजपुरी टेलिसिरियल ‘खेलाडी’ प्रसारण हुन लागेको छ । शनिबार काठमाडौंस्थित मधेश मिडिया हाउसमा पत्रकार सम्मेलन गरी मुखिया एंटरटेनमेंट एण्ड मीडिया प्रा. लि.को प्रस्तुतिमा निर्माण भएको भोजपुरी सीरिज “खेलाडी“को टिजर रिलीज गरिएको छ ।
निर्माण कम्पनी मुखिया एंटरटेनमेंट एण्ड मीडिया प्रा. लि.ले प्रेस विज्ञप्तिमा भनेको छ, ‘विकास र विस्तार हेरेर नै हामीले पनि भोजपुरी भाषामा केही गर्ने अठोट गरेका छौं।’ विज्ञप्तिमा भनिएको छ, ‘नेपालबाट भोजपुरी भाषामा गीत संगीत र फिल्महरूको निर्माण गरि त्यसलाई विश्वका भोजपुरी दर्शकमांझ पुर्याउने उद्देश्यले हाम्रो यो एउटा प्रयास हो। हास्य÷कमेडीलाई आधार बनाई यूट्यूब मार्फत आफ्नो पहिलो प्रस्तुति “खेलाडी“को रूपमा भिडिओको निर्माण कार्य भई रहेको छ ।’
यसमा चर्चित भोजपुरी संचारकर्मी प्रियंका पाण्डेय, वीरेन्द्र मुखिया, स्वनिका बास्तोलाको मुख्य भूमिका रहेको छ । यस अलावा यस सिरीजमा सरू बराल, रामभजन कामत, अरकाना खातून, गोबिंदा यादव, सेराज आलम, गंगालाल श्रेष्ठ लगायतको पनि अभिनय रहेको छ ।
यस सिरीजका लेखक÷निर्देशक शैलेस मानसिंह बस्नेत रहेका छन् भने यसको निर्माण बिरेन्द्र मुखिया, चांदनी देवी र पूर्णिमा कुमारीले गरेका छन् । यस सीरिजका गीतहरूलाई भोजपुरी साहित्यका वरिष्ठ लेखक÷गीतकार गोपाल अश्कले आफ्नो शब्द दिएका छन् भने आकाश ठाकुरको गायन तथा संगीत विनय कार्कीको रहेको छ ।
‘यो हास्य÷कमेडी सीरिजलाई आजै देखि हाम्रो यूट्यूब च्यानल मुखिया इंटरटेनमेंटमा प्रोमो÷टिजर रिलीज गरेका छौं। आउँदो २५ फेब्रुअरीको दिन यो सिरीज रिलीज हुने सहर्ष जानकारी गराउन चाहन्छौं।’ विज्ञप्तिमा भनिएको छ ।
यसैगरी, टिजर सार्वजनिक कार्यक्रममा मधेशी पत्रकार समाजका अध्यक्ष मोहन सिंह, वरिष्ठ पत्रकार धर्मेन्द्र कर्ण, वरिष्ठ साहित्यकार विनीत ठाकुर, सञ्चारकर्मीहरु विवेकानन्द मिश्र, आलोक तिवारी, निमिष झा, सुवास साह, मनोज सार्थक, मानव अधिकारकर्मी तथा साहित्यकार दिपक गुप्ता, अतिउल्ला अन्सारीलगायतका व्यक्तित्वहरुको उपस्थिति रहेको थियो ।

फेसबुक प्रतिक्रिया
सम्बन्धित शीर्षकहरु