काठमाडौं ।राजु गिरीको लेखन तथा निर्देशनमा बनेको चलचित्र ‘ईश्वर’ साउन ११ गते रिलिज हुने भएको छ । आगामी २०८१ साल मंसिर १४ गते रिलिजको तयारी गरिरहेको सो फिल्म साउन १४ गते नै रिलिज हुने भएको हो ।
फिल्मको नयाँ पोस्टर सार्वजनिक गर्दै लेखक तथा निर्देशक राजु गिरीले फिल्मी फण्डालाई नयाँ रिलिज डेट तय गरिएको बताए । फिल्म ईश्वरको प्रिमियर शो वैशाख २९ गते पोखराको चिप्लेढुंगामा भव्य रुपमा सम्पन्न भएको थियो ।
फिल्म ईश्वर दिव्या कंगना फिल्मस्को ब्यानरमा निर्माण भएको हो । जसमा निर्माता हरिबहादुर थापा र शंकर गिरी हुन् भने पटकथा तथा संवाद भोजराज देवकोटाको रहेको छ ।
लक्ष्मी कुँवर थापाको प्रस्तुतिमा निर्माण भएको सिनेमामा सुनिल थापा, सविन बास्तोला, माओत्से गुरुङ, शिशिर बाङ्देल, ध्रुव थापा, रविन्द्र झा, बुद्धि तामाङ, कृष्टि गुरुङ, गीता अधिकारी लगायतको पनि अभिनय छ । यो सिनेमाबाट अभिनेत्री अनु शाहले ५ वर्षपछि कमब्याक गरेकी छन् ।
अर्जुन पोखरेल, राजेन्द्र बजगाई र बीपी वाग्लेको संगीत, भिस्माराज फुलारा र जगदिश आचार्य गितकार,कविराज गहतराज र सुरेश पाण्डेको कोरियोग्राफी, रामेश्वर हुँमागाईको छायांकन र देव महर्जनको द्वन्द्व निर्देशन रहेको फिल्मलाई आरआर फिल्मस्ले वितरण गर्नेछ ।
२०८१ माघ १ - मंगलवार
