काठमाडौ ।भजन शिरोमणी भक्तराज आचार्यको जीवनीमा आधारित चलचित्र ‘आचार्य’को ट्रेलर सार्वजनिक भएको छ । पुनः सम्पादनसहित सार्वजनिक भएको यो ट्रेलर फ्रेस र मर्मस्पर्शी महसुस हुन्छ ।
असार ७ गते नेपाल र अन्तर्राष्ट्रिय बजारमा पुनः प्रदर्शन हुन लागेको फिल्मले संगीतमा स्थापित हुन आचार्यले गरेको संघर्षलाई चित्रण गर्छ । फिल्ममा उनको १६ वर्षको सांगीतिक करिअरलाई प्रस्तुत गरिएको छ ।
आचार्यको भूमिकामा उनका जेठा छोरा तथा गायक सत्यराज देखिएका छन् । ट्रेलरमा अहिलेका सुपरस्टार दयाहाङ राई, बिपिन कार्की, सौगात मल्ल पनि प्रस्तुत छन् ।
वरिष्ठ संगीतकार तथा गायक आचार्यको निधनपछि फिल्मलाई रिरिलिज गर्न लागिएको हो । प्रशान्त रसाइली निर्देशित यो फिल्मलाई रोशन राईले निर्माण गरेका हुन् । ब्यांकटेस इन्टरटेनमेन्टलाई देशब्यापी पुनःप्रदर्शन गर्दैछ ।
२०८१ माघ १ - मंगलवार
