काठमाडौं । साउथवेस्टन साहित्य समाज, बसुन्धरा काठमाडौँले पिपल चौतारी गजल साँझ २०८१ आयोजनामा तथा गजल वाचन कार्यक्रम सम्पन्न भएको छ ।
साउथ वेस्टन कलेज परिसरसँगै रहेको पिपलको चौतारीमा आयोजित गजल गायन र वाचनमा ८४ वर्षिय जेष्ठ गजलकार रामबहादुर पहाडीदेखि शिव श्रेष्ठ लगाएतको बाक्लो उपस्थिति रहेको थियो । कार्यक्रममा तिन दर्जन बढि गजलकारहरुले गजल तथा कविता सुनाएका थिए ।
साउथवेस्टन कलेजका सहायक क्याम्पस प्रमुख हरि सिंह केसीले शुभकामना मन्तव्य राख्दै साउथवेस्टन कलेज परिसरमा रहेको यस पुरानो पिपलको चौतारीमा साँझको समयमा चकटीमा बसेर माया प्रेम, अर्थ, राजनीति जस्ता विषय समेटिएका हार्दिकता, कोमलता र सुन्दरताका भावमय गजल वाचन गर्ने यस्ता कार्यक्रमले नेपाली भाषा, साहित्यप्रति आकर्षित गर्ने र भविष्यमा सिर्जनाको बाटोतिर लाग्न उत्प्रेरित गर्ने बताए ।
२०८२ बैशाख १३ - शनिबार
