आयोजक अवेरनेस इन्टरनेसनल एकेडेमी (एआईए) र न्युटन एआईए थ्री अन थ्री बास्केटबल प्रतियोगिता शुक्रबार सेमिफाइनलमा प्रवेश गरेका छन् ।
शंखमूलस्थित घरेलु कोर्टमा एआईएले नेपाल सेन्ट्रललाई १०–५ तथा न्युटनले एलिक्सरलाई ८–५ ले पराजित गरे ।
जुनियर ब्वाइजमै ज्ञान निकेतनले सनसाइनलाई ६–३ तथा काठमाडौं जेभियरले हेम्सलाई ५–४ ले हराउदै सेमिफाइनल स्थान सुरक्षित गरे । सेमिफाइनलमा काठमाडौं जेभियरको भेट ज्ञान निकेतनसंग हुनेछ भने एआईएले न्युटनको सामना गर्ने छ ।
प्रतियोगिताको काठमाडौं महानगरपालिका वडा ३१ का अध्यक्ष सरोज ढकालले एक कार्यक्रमबीच निर्णायक सुनिल लामा र रमेश लामालाई बल हस्तान्तरण गरी उद्घाटन गरे । प्रतियोगिताको सिनियर ब्वाइजमा २४, सिनियर गल्र्समा २६ र जुनियर ब्वाइजमा १६ गरी जम्मा ६६ टिम सहभागी छन् । पहिलो दिन जुनियर ब्वाइजको मात्र खेल भयो । फाइनल आइतबार हुनेछ ।
२०८१ माघ १ - मंगलवार
