काठमाडौं ।नेपाल अपाङ्ग महिला संघले तारकेश्वर नगरपालिका वडा नम्बर २ मा असार ३ २०८१ मा अपाङ्गता भएका व्याक्तिहरुका लागि कानुनी सचेतना कार्यक्रम आयोजना गर्यो ।
तारकेश्वर नगरपालिका वडा २ को सहयोगमा संघले आयोजना गरेको उक्त कार्यक्रममा ७० जना अपाङ्गता भएका व्यक्ति स्वास्थ्य स्वयंसेवीका वडाका जनप्रतिनिधि स्वास्थ्य शाखा प्रमुख, सामुदायिक विद्यालयका शिक्षकको ससहकागिता थियो । उक्त
कार्यक्रममा बोल्दै वडा नम्बर २ का अध्यक्ष राधाकृष्ण खड्गी वडामा रहेका अपाङ्गता भएका व्यक्ति र सेवा प्रदायकहरुले अपाङ्गता भएका व्यक्तिहरुको अधिकारका लागि विद्यमान सेवा सुविधा कानुनी व्यवस्थाका बारेमा थाहा पाउनुपर्छ भनेर नेपाल अपांग संघसँग मिलेर उक्त कार्यक्रम गरेको बताउनुभयो । उहाँले आफ्नो वडामा बनेको विद्यालय पहुँचयुक्त बनाउने र बन्दै गरेको शौचालय पनि पहुँचयुक्त बनाउने जानकारी दिनुभयो । अपाङ्गता भएका व्यक्तिहरुलाई दया भन्दा पनि अवशर चाहिएको भन्दै आफुले उनीहरको योग्यता र क्षमताका आधारमा उक्त अवसरहरु सिर्जनामा पहल गर्ने प्रतिवद्धता जनाउनुभयो ।
कार्यक्रममा सहभागि अपाङ्गता भएका व्यक्तिहरुले आफुहरुले आफ्नो अपाङ्गताका आधारमा भोगीरहेको अवरोधका बारेमा अनुभव सुनाएका थिए । स्वास्थ्य स्वयंसेवीकाले अहिले सम्म यसरी कार्यक्रममा सहभागी नभएको र यो कार्यक्रमले आफुहरुलाई अपागंताको बारे बुझ्न पाएको र अब काम गर्दा सजीलो हुने बताउनु भयो। स्वास्थ्य शाखा प्रमुखले अपागंता भएका व्याक्तिलाई सेवा दिदा भाषागत कठिनाई रहेकोले अब दोभासे र सहयोगी अनिवार्य हुने र सामान्य संचारको लागी सिक्नु पर्ने बताउनु भयो।
कार्यक्रममा नेपाल अपाङ्ग महिला संघका अध्यक्ष टीका दाहालले अपाङ्गताका लागि विद्यमान कानुनका बारेमा र महासचिव देव कुमारी पराजुलीले अपाङ्गताका प्रकार र उनीहरुले पाउने सेवासुविधाका बारेमा प्रस्तुति दिनुभएको थियो ।
सार्वजनिक विदाको दिन परेकोले नगरपालिकाको सामाजीक विकास शाखाको र वडा न २ का कर्मचारीको पनि सक्रिय सहभागिता रहेको थियो।
२०८१ माघ १ - मंगलवार
