दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

सबैले योग गर्ने बानी बसालौं– सदस्य–सचिव घिसिङ

न्यूजलाईन्स् मिडिया संवाददाता
प्रकाशित मिति : २०८१ असार ७ गते, शुक्रबार २०:३९

काठमाडौं, असार ७ गते ।राष्ट्रिय खेलकुद परिषद् (राखेप) का सदस्य–सचिव टंकलाल घिसिङले सबैले योग गर्ने अभ्यास र बानी बसाल्नु पर्नेमा जोड दिएका छन् ।
अन्तर्राष्ट्रिय योग दिवसका अवसरमा शुक्रबार त्रिपुरेश्वरस्थित राखेपको कभर्डहलमा नेपाल योगा खेलकुद संघले आयोजना गरेको कार्यक्रममा सदस्य–सचिव घिसिङले भने– ‘हामी सबैले योग गर्ने अभ्यास र बानी बसाल्नु पर्छ । योगले हामीलाई शारीरिक रुपले मात्र नभइ मानसिक रुपले पनि स्वस्थ बनाउछ ।’
सदस्य–सचिव घिसिङले खेलकुदको तालिमलाई अझ व्यवस्थित बनाउन योग संघबाट अझ सहकार्य र अपेक्षा गरेको बताए ।
‘परिषद्ले खेलकुदको तालिमलाई अझ व्यवस्थित बनाउन तपाईहरुबाट थप सहकार्य र अपेक्षा गरेको छ । खास गरी नेपाली खेलकुद अब प्राविधिक र विषयगत तालिममा मात्र नभएर समग्र तयारीमा जुटेको छ ।’ सदस्य–सचिव घिसिङले भने– ‘विगतमा पनि तपाईंहरुसंग हामीले सहकार्य गरेका थियौं । गत वर्ष १९ औं एसियाली खेलकुदको तयारी होस् वा अहिले मिसन २०२६ को क्रममा होस् । हामीले योग अभ्यासलाई हाम्रो बन्द प्रशिक्षण र विशेष प्रशिक्षणमा रहेका विभिन्न खेलका खेलाडीहरुलाई योगसंग हामीले एकाकार गर्दै अगाडि बढी रहेको सन्दर्भमा योगमा लाग्नु भएका प्रशिक्षकहरुलाई नेपाली खेलकुदमा योग शिक्षा र विधिलाई अझ व्यवस्थित ढंगले प्रयोग गर्न आग्रह गर्न चाहन्छु । अन्तर्राष्ट्रिय योग दिवसमा सबैलाई शुभकामना ।’
योगा संघले आनन्द मार्ग योगा समाज, नेपालको सहयोगमा अन्तर्राष्ट्रिय योग दिवस नेपालमा मनाएको हो । १ हजार भन्दा बढीको उपस्थितिमा भएको कार्यक्रममा योगाका खेलाडीहरुले आकर्षक प्रस्तुती प्रदर्शन गरेका थिए । भारत र बंगालदेशका प्रतिनिधिको पनि उपस्थिति रहेको थियो ।

फेसबुक प्रतिक्रिया
सम्बन्धित शीर्षकहरु