पाँचखाल -२, ज्यामिरकोट स्थित ज्ञानाेदय आधारभुत विद्यालयमा चालु आ.व. २०८०/८१ को छात्रवृत्ति वितरण गरियो ।
सो कार्यक्रममा वि.व्य.स सदस्य सोकनाथ गौतम र जुनुमाया तामाङ तथा पि.टिम.ए.का अध्यक्ष शेरबहादुर तामाङ एवं अभिभावकको बाक्लो उपस्थिति रहेको थियो । कार्यक्रममा पाँचखाल नगरपालिकाका स्रोत व्यक्ति धनबहादुर बस्नेत
प्रमुख अतिथिका रुपमा उपस्थित भएका थिए । यो छात्रवृत्ति रकम वितरणले थोरै भए पनि बालबालिकालाई सहयोग पुगेको कुरा विद्यालय ब्यवस्थापन समितिका अध्यक्ष प्रल्हाद दाहालले बताए ।
प्रमुख अतिथि धन बहादुर बस्नेतले विद्यालयमा यस किसिमका कार्यक्रमले आकर्षण बढ्ने र केही मात्रामा भए पनि विद्यार्थीलाई सहयोग पुग्ने कुरा बताए । अन्त्यमा प्र.अ. मेघनाथ अधिकारीले उपस्थित सबैलाई धन्यवाद दिंदै पछिल्लो समय विद्यालयमा सहयोगी हातहरु बढ्दै गएको र विद्यालय अब हरेक कुरामा सम्पन्न हुँदै गएकाले स्थानीय अभिभावकले गुणस्तरीय शिक्षाको लागि अन्यत्र भौतारिनु पर्ने अवस्था नरहेको कुरा बताए ।
२०८१ मंसिर २९ - शनिबार
