तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

कांग्रेस–एमाले गठबन्धन सरकार अन्तिम विकल्प हो, यो पूरै अवधि चल्छः वनमन्त्री ठकुरी

न्यूजलाईन्स् मिडिया संवाददाता
प्रकाशित मिति : २०८१ श्रावण ५ गते, शनिबार १७:२९

काठमाडौं, ५ साउन । वन तथा वातावरणमन्त्री ऐनबहादुर शाही ठकुरीले कांग्रेस–एमाले गठबन्धन सरकार पूरा अवधिसम्म अगाडि बढ्ने दाबी गरेका छन् । आज (शनिबार) रिपोर्टर्स क्लब नेपालमा आयोजित साक्षात्कार कार्यक्रममा बोल्दै उनले शीर्ष नेताहरुले सुझबुझका साथ गठबन्धन बनाएको बताउँदै २०८४ को निर्वाचनसम्म यही गठबन्धन सरकार अगाडि बढ्ने दाबी गरेका हुन् । उनले सरकार फेरबदलबाट जनता हैरान भइसकेको बताउँदै कांग्रेस–एमाले गठबन्धन अन्तिम विकल्प रहेको पनि दाबी गरे ।
‘यो सरकारले पूर्ण रुपमा राजनीतिक स्थायित्व दिन्छ । बीचमा तलमाथि हुने प्रश्नै आउँदैन । यो अन्तिम विकल्प हो । धेरै विकल्पहरु प्रयोग भइसके । जनता सरकार फेरबदलको खेलले आजित भइसकेको अवस्था छ । त्यसकारणले आम जनताको चाहना र भावना दुई दल मिलेर राजनीतिक स्थायित्व दिनुपर्छ भन्ने थियो । दुई दलका शीर्ष नेतृत्वले यो कुरा महशुस गरेर सहमति गरेको हुनाले यो सरकार पूरा अवधि अगाडि बढ्छ भन्नेमा हामी विश्वस्त छौं,’–उनले भने ।
साथै, कांग्रेस–एमाले नेतृत्वको सरकार तानाशाही बन्छ भन्ने कुरामा सत्यता नरहेको उनले स्पष्ट पारे । मन्त्री ठकुरीले सरकार तानाशाही बन्नुपर्ने कुनै कारण नरहेको बताए । सरकारले लोकतन्त्रलाई सुदृढ बनाउने, गणतन्त्रलाई संस्थागत गर्ने र यसमा भएका कमीकमजोरी सुधार गरेर अगाडि बढ्ने उनको भनाइ छ ।
‘सरकार तानाशाही बन्नुपर्ने कुनै कारण नै छैन । दुईवटा पार्टीको विशेष पहलबाट लोकतन्त्र आएको छ, गणतन्त्र आएको छ । बरू यो सरकारले लोकतन्त्रलाई सुदृढ बनाउने, गणतन्त्रलाई संस्थागत गर्ने र यसमा भएका कमीकमजोरी सुधार गरेर जनताको समस्या समाधान गर्ने मुख्य उद्देश्य हो,’– मन्त्री ठकुरीले भने ।
वर्तमान सरकार विशिष्ट परिस्थितिमा निर्माण भएको बताउँदै उनले सुशासन, राजनीतिक स्थायित्व र विकास दिएर देशलाई अग्रगतिमा लैजाने दाबी गरे । माओवादी, कांग्रेस, एमालेलगायतका दलहरुले लोकतन्त्र प्राप्तिका लागि ठूलो योगदान गरेको स्मरण गराउँदै मन्त्री ठकुरीले पछिल्लो समयमा ३÷३ महिनामा सरकार परिवर्तन भइरहँदा जनतामा निराशा बढेको बताए । उनले सरकार अस्थिर हुँदा व्यवस्थाप्रति नै वितृष्णा बढ्दै गएको बताए ।
साथै, प्रधानमन्त्री केपी शर्मा ओलीले प्रतिनिधि सभामा दुई तिहाइको हाराहारीमा विश्वासको मत पाउने उनको दाबी छ । प्रधानमन्त्री ओलीले विश्वासको मत प्राप्त गरेसँगै देशलाई अगाडि बढाउने गरी बृहत कार्यक्रम आउने पनि जानकारी गराए ।

फेसबुक प्रतिक्रिया
सम्बन्धित शीर्षकहरु