काठमाडौं । तामाङ पत्रकार सङ्घ केन्द्रिय कार्यालयले यस वर्षको ‘तामाङ मिडिया अवार्ड’ नयाँ पत्रिका दैनिकमा कार्यरत राजु स्याङ्तान र नेपाल टेलिभिजनमा कार्यरत शान्ति वाइबालाई प्रदान गरेको छ ।
शनिवार एयरपोर्ट होटेलमा ३० औँ तामाङ प्रसारण दिवसको अवसरमा मुख्यमन्त्री बहादुरसिंह लामा तामाङले उनीहरूलाई अवार्ड प्रदान गरेका हुन् । अवार्डसँगै नगद पनि हस्तान्तरण गरेका हुन् ।
यो अवार्ड तामाङ समुदायका पत्रकार, लेखक र मिडियाकर्मीहरूको सम्मानमा हरेक वर्ष एक जना महिला र पुरुष पत्रकारलाई प्रदान गरिँदै आएको हो। सोही अनुरूप सङ्घले स्याङ्तान र वाइबालाई प्रदान गरेको अध्यक्ष सुवास तामाङले जानकारी दिए ।
अवार्डका लागि उत्कृष्ट मिडिया सामग्री उत्पादन, सामाजिक योगदान तथा तामाङ भाषाको संरक्षण र प्रवर्द्धनमा महत्त्वपूर्ण भूमिका खेलेका व्यक्तिहरूलाई अवार्ड प्रदान गरिँदै आएको छ।
२९ औँ तामाङ प्रसारण दिवसमा काभ्रेकी मायालु ङेसुर र धनकुटाका शन्तविर लामालाई प्रदान गरेका थिए ।
वि सं २०५१ साल भदौ १ गतेबाट पहिलो पटक रेडियो नेपालमा तामाङ भाषाको समाचार प्रसारण भएको दिनलाई नै आधार मानेर सङ्घले हरेक वर्षको यस दिनलाई तामाङ प्रसारण दिवसको रूपमा मनाउँदै आएको छ ।
यस वर्षको अवार्ड छनोट समितिमा संयोजक विष्णु तामाङ र सदस्यहरू लक्ष्मी रुम्बा र सुवास योञ्जन रहेका छन्। प्रदान
२०८१ भाद्र ३० - आईतवार
