बैंकक – फोटो पत्रकारितामा लामो समय योगदान पुर्याए बापत कृष्ण मोहन अधिकारी इन्टनेशनल अवार्ड २०२४ ’ बाट सम्मानित भएका छन् ।
शैली मिडिया नेटवर्क प्रालि को आठौं वार्षिकोत्सवको अवसरमा शनिबार बैंककमा आयोजना गरिएको एसिया नेपाल इन्टनेशनल अवार्ड २०२४ ’अन्तर्गत उत्कृष्ट फोटोग्राफि सम्मान बाट प्रमुख अतिथि एनआरएनए थाइल्यान्डका अध्यक्ष भविन्द्र बस्नेतले अधिकारीलाई सम्मान गरेका हुन् ।
सम्मानित जोशीला युवा अधिकारी दुई दशकदेखि वृत्तचित्र निर्देशन तथा छांयाकनमा सक्रिय हुदै फोटोग्राफि प्रशिक्षणमा समेत दख्खल राखदै फोटो पत्रकारिताको माध्यमबाट सामाजिक जागरणमा सक्रिय रहेका अधिकारी विभिन्न सामाजिक संघसंस्थामा आवद्ध छन् ।
कार्यक्रममा शैली मिडिया नेटवर्क प्रालि अध्यक्ष रामचन्द्र पोखरेलले राष्ट्रिय तथा अन्तर्राष्ट्रिय क्षेत्रमा योगदान दिने व्यक्तित्वहरुको कामको मूल्यांकन गर्दै सम्मान गरिएको बताए । कार्यक्रममा विभिन्न क्षेत्रमा कार्यरत समाजसेवी तथा व्यवसायीहरूलाई पनि सम्मान गरिएको थियो ।
२०८१ भाद्र ३० - आईतवार
