काठमाडौं । चलचित्र ‘सानो संसारः स्टोरिज अफ मिडल क्लास’को टिजर सार्वजनिक भएको छ । सिद्धार्थ पुडासैनी निर्देशित फिल्मको टिजर म्युजिक नेपाल युटुब च्यानलबाट सार्वजनिक भएको हो।
मध्यमवर्गीय परिवारको संघर्ष, पीडा र संवेदनालाई टिजरमा चित्रण गरिएको छ ।
नयाँ कलाकारलाई लिएर बनाइएको यो फिल्ममा अन्जसा रिजाल, अनु दाहाल, राज पंगेनी शर्मा, सीतादेवी तिमल्सिना, शिशिर सिवाकोटी, सरिता भण्डारी र जीवन गौतमको अभिनय छ ।
राजधानी मिडिया र प्रिन्सेस मुभिजको ब्यानरमा निर्माण भएको यो फिल्मलाई अर्जुन कुमारले निर्माण गरेका हुन् । माधव वाग्ले कार्यकारी निर्माता हुन् । ‘सानो संसार’ असोज ११ बाट प्रदर्शन तयारीमा छ ।
२०८१ भाद्र ३० - आईतवार
