तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

अनेसास बोस्टन च्याप्टर युएसएले बिशिष्ट तथा चर्चित नेपाली कलाकारहरूलाई स्वागत सम्मान कार्यक्रम गर्ने

न्यूजलाईन्स् मिडिया संवाददाता
प्रकाशित मिति : २०८१ भाद्र २६ गते, बुधबार १८:५३

बोस्टन, अन्तर्राष्ट्रिय नेपाली साहित्य समाज (अनेसास) बोस्टन च्याप्टरले बिशिष्ट तथा चर्चित नेपाली कलाकारहरूलाई स्वागत सम्मान गर्ने भएको छ । च्याप्टरले यही आउँदो सेप्टेम्बर १८ तारिख बुधबारको दिन साँझ ५ बजे नेपाली चलचित्र क्षेत्रमा आबद्ध भएर लामो समयदेखि नेपाली कला साहित्य भाषा र संस्कृतिको उत्थानमा लागेका विशिष्ट तथा चर्चित कलाकारलाई बोस्टन स्थित पशुपतिनाथ बुद्ध फाउण्डेशन अफ न्यू इङ्गल्याण्ड (प्याब्फोन) को सामुदायिक भवनमा एक कार्यक्रम आयोजना गरि भेटघाट स्वागत तथा सम्मान कार्यक्रम गर्ने भएको हो ।
बिशिष्ट अभिनेता नेपाल चलचित्र कलाकार संघका पूर्व अध्यक्ष तथा सल्लाहकार, चलचित्र बिकास वोर्डका पूर्व अध्यक्ष, बिशिष्ट चलचित्रकर्मी, लेखक, निर्देशक, नायक कृष्ण मल्ल, बिशिष्ट अभिनेत्री शर्मिला मल्ल, बिशिष्ट अभिनेत्री बसुन्धरा भुसाल, बरिष्ट कलाकार रवीन्द्र खड्का, बरिष्ट देउडा गायक नन्दकृष्ण जोशी, लोकप्रिय अभिनेत्री केकी अधिकारी, निर्माता मोहनकृष्ण श्रेष्ठ, चर्चित हास्य कलाकार सन्दीप क्षेत्रि, निर्देशक डा. घनश्याम खतिवडा र नायक संजय खतिवडालाई अनेसास बोस्टन च्याप्टरले भेटघाट स्वागत सम्मान गर्न लागिएको कार्यक्रमकी संयोजक साहित्यकार कवि गीतकार तथा चलचित्र निर्माता अनु शाहले जानकारी गराउनुभयो ।
चलचित्र, गीत संगीत, नाटक र कलाकारिता प्रत्यक्षरुपमा साहित्यसँग जोडिएको हुँदा र कलाकार समाजका दर्पण भएकाले साहित्यकारका साहित्यिक शब्दहरूलाई कलाकारिताद्वारा अभिव्यक्त गरिने हुँदा पनि साहित्य, चलचित्र र कलाकारिता एक अर्काको परिपुरक हुन् त्यसकारण पनि नेपालका प्रख्यात कलाकारहरूलाइ बोस्टन निवासी सम्पूर्ण नेपाली समुदायहरूसँग साक्षात्कार गराउने, पर्दामा मात्र देखिएका कलाकारसँग प्रत्यक्ष भेटघाट गराउने र बर्षौदेखि टाढा भएका कलाकार र समुदायबीच एक अर्कामा पुनर्मिलन गराउने उद्देश्यले कार्यक्रम आयोजना गरिएको अनेसास बोस्टन च्याप्टरका अध्यक्ष महेश्वर पन्तले बताउनुभयो । कार्यक्रममा सम्पूर्ण नेपाली समुदायको लागि निःशुल्क रहेको हुँदा आफ्नो मन पर्ने कलाकारहरूसँग भेटघाट गर्ने अवसर नगुमाउनसमेत अध्यक्ष पन्तले आग्रह गर्नुभयो ।

फेसबुक प्रतिक्रिया
सम्बन्धित शीर्षकहरु