काठमाडौं ।वेब सिरिज ‘घर बट इन अमेरिका’को पहिलो सिजनको टिजर सार्वजनिक गरिएको छ । सिरिजको निर्देशन बिमलेश अधिकारीले गरेका हुन् भने पटकथा तथा संवाद विवेक चम्लागाईंले लेखेका छन् ।
सिचुएशनल कमेडी–ड्रामा विधामा निर्माण भएको सिरिजमार्फत चर्चित अभिनेत्री अरुणिमा लम्सालले १० वर्षपछि अभिनयमा पुनरागमन गरेकी छन् । सिरिजमा अरुणिमासँगै बिमलेश अधिकारी, राधाबाबु लम्साल, खेम शर्मा, आशिष दाहाल र रोजिना थापाको मुख्य भूमिकामा अभिनय छ ।
‘घर बट इन अमेरिका’को सम्पूर्ण छायाङ्कन अमेरिकामै भएको हो । सिरिजको निर्माण सेभेन कलर्स डिजिटलले गरेको छ । पशुपति बस्यालको छायाङ्कन, मित्र डी. गुरुङको सम्पादन रहेको सिरिजका कार्यकारी निर्माता रोशन घिमिरे हुन् ।
२०८१ आश्विन २५ - शुक्रबार
