काठमाडौं । चलचित्र ‘मिसिङः केटी हराएको सूचना’को पहिलो गीत ‘हेर्दै जाउँ..’ सार्वजनिक भएको छ । गीतमा रोहित जोन क्षेत्री र शितुसित बस्नेतको स्वर रहेको छ ।
गीतमा शब्द तथा संगीत दीपेन्द्र गौचनको छ भने फिल्मका मुख्य कलाकार सृष्टि श्रेष्ठ र नाजिर हुसेन फिचर्ड छन् । दुई साथीबिचको लामो समयपछिको भेटमा हुने खुसी भिडियोमा देखिन्छ । नेपालका तराई क्षेत्रमा भिडियो छायांकन भएको हो ।
‘मिसिङ स् केटी हराएको सूचना’ आगामी कात्तिक ३० गतेदेखि सार्वजनिक प्रदर्शनमा आउने फिल्म हो । फिल्मका निर्देशक दीपेन्द्र गौचन हुन् । निर्देशक गौचन स्वयंको स्क्रिप्ट लेखन रहेको फिल्ममा छायांकन अमर महर्जनको छ ।
फिल्ममा नाजिर र सृष्टिको अलवा सञ्जय गुप्ता, राम नारायण ठाकुर, मदन ठाकुर, रिना रिमाल, ललिता देवी मिश्र लगायतको अभिनय छ ।
२०८१ आश्विन २५ - शुक्रबार
