एम डी बोहोरा अन्तर्राष्ट्रिय नेपाली कलाकार समाज युएईको अध्यक्ष हुन । पूर्वी नेपालको भोजपुर स्थित श्यामशिलामा जन्मिएर हाल सुनसरीको रामधुनी झुम्कालाई समेत गृहस्थल बनाएका बोहोरा सन २००६ देखी युएईमा गैरआवासीय नेपालीका रुपमा बसोबास गर्दै आएका छन । कला संस्कृतिको क्षेत्रमा बोहोराको योगदान महत्वपूर्ण छ । अन्तर्राष्ट्रिय नेपाली कलाकार समाज युएईको अध्यक्षको रूपमा रहेका बोहोरा युएईमा रहेर उनले म्युजिक भिडियोमा मोडलिङ तथा सांस्कृतिक कार्यक्रमहरूमा विभिन्न भूमिकामा रहेर उल्लेखनिय कार्यहरु गरेका छन । त्यसो त उनी एनआरएनए अभियानमा समेत सकृयतापूर्वक लागि पर्दै आएका छन । यस माझमा गैरआवासीय नेपाली संघ (एनआरएनए) मा २०१७ देखि २०१९ सम्म सदस्य र पछि सचिवको रूपमा सेवा गरेका उनी २०२३ देखी २०२५ कार्यकालका लागि गैरआवासीय नेपाली संघ अन्तर्राष्ट्रिय समन्वय समितिको सदस्यमा चयन भएका छन । एनआरएनए नेताका रुपमा उनले नेपाली श्रमिकका समस्या समाधान तथा अन्य सामाजिक कार्यमा आफूलाई अभ्यस्त गराउदै आएका पनि छन ।
आफ्नो औपचारिक भूमिकाको अतिरिक्त, बोहोराले विभिन्न सामाजिक र सांस्कृतिक संघ संस्थाहरूको सल्लाहकारका रूपमा सेवारत बोहोराले यूएईमा नेपालीहरूको कल्याण र सांस्कृतिक प्रतिनिधित्वलाई अगाडि बढाउने प्रमुख व्यक्तित्व रुपमा आफूलाई उभ्याएका छन। प्रस्तुत छ बोहरासँग अन्तर्राष्ट्रिय नेपाली कलाकार समाज युएईका कार्यक्रम गतिविधि तथा कलासँग संबन्धित रहेको गरिएको संक्षिप्त कुराकानी 😉
यहाँलाई स्वागत छ । सर्वप्रथम, अन्तर्राष्ट्रिय नेपाली कलाकार समाज युएईको बारेमा संक्षेपमा केही प्रकाश पारिदिनुस न ?
धन्यवाद। अन्तर्राष्ट्रिय नेपाली कलाकार समाज युएईको स्थापनाको युएईमा रहेका नेपाली कलाकारहरुलाई एकताबद्ध र सहयोग गर्ने उद्देश्यले भएको हो । हामीले नेपाली कला र संस्कृतिलाई प्रोत्साहन गर्ने, समान उदेश्य प्राप्तिका लागि गोलबद्धताको अवसरहरू प्रदान गर्ने र हाम्रो समुदायको प्रतिभालाई प्रवर्द्धन गर्ने मञ्च सिर्जना गर्ने लक्ष्य राखेका छौं। हाम्रो लक्ष्य एक पुलको रूपमा सेवा गर्नु हो, कलाकारहरूलाई दर्शकहरूसँग जोड्नु, साथै उनीहरूलाई व्यावसायिक रूपमा बढ्न मद्दत गर्ने रहेको छ ।
युएईमा नेपाली कलाकारहरूले सामना गर्ने सबैभन्दा सामान्य चुनौतिहरू के के हुन र त्यसलाई सम्बोधन गर्न समाजले कसरी मद्दत गर्छ ?
धेरै चुनौतीहरू छन। धेरै कलाकारहरू सीमित स्रोतहरू, एक्सपोजरको कमी, र अन्य जिम्मेवारीहरूसँग आफ्नो रचनात्मक कार्यहरू सन्तुलन गर्ने चुनौतीसँग संघर्ष गर्छन। यसबाहेक, नेपालबाट टाढा भएकाले कलाकारहरूलाई स्वदेश फर्केर दर्शकसँग जोडिन र सांस्कृतिक सम्बन्ध जोगाउन गाह्रो हुन्छ। हाम्रो समाजले कार्यक्रमहरुहरू आयोजना गरेर यी चुनौतीहरूलाई सम्बोधन गर्दछ जसले हाम्रा कलाकारहरूको व्यावसायिक वृद्धिको लागि अवसरहरू सिर्जना गर्दछ। हामी भिसा वा रोजगारी समस्याहरूको सामना गरिरहेका कलाकारहरूको लागि कानुनी मार्गदर्शन र प्रशासनिक सहयोगमा पनि सहयोग गर्छौं।
के तपाइँ हामीलाई समाजले आयोजना गर्ने कार्यक्रमहरू र गतिविधिहरूको प्रकारहरू बारे थप बताउन सक्नुहुन्छ ?
हामी वर्षभरि विभिन्न कार्यक्रमहरू जस्तै कला प्रदर्शनी, सांस्कृतिक प्रदर्शन, र सांगीतिक कन्सर्टहरू आयोजना गर्छौं। यी कार्यक्रमहरूले युएईमा नेपाली संस्कृतिको प्रवद्र्धन मात्र गर्दैन, कलाकारहरूलाई आफ्नो प्रतिभा प्रदर्शन गर्ने बहुमूल्य अवसरहरू पनि प्रदान गर्दछ। हामीले बर्षेनी नेपाली साँस्कृतिक कार्यक्रम आयोजना गर्दै आएका छौं । जुन युएईमा आयोजनामा आउने गरेका ठूला एवं प्रतिष्ठित कार्यक्रमका रुपमा गणना हुँदै आएको छ । र यसलाई नेपाली समुदाय चासोपूर्वक हेर्दै आएको हामीले पाएका छौं ।
उदीयमान कलाकारहरुलाई समाजले कसरी सहयोग गर्छ ?
उदीयमान कलाकारहरूलाई समर्थन गर्नु हाम्रो मुख्य फोकसहरू मध्ये एक हो। अनुभवी कलाकारहरूले हाम्रा युवा प्रतिभाहरूलाई आफ्नो ज्ञान साझा गर्न प्रोत्साहित गर्छौ। हामी विशेष गरी नयाँ कलाकारहरूलाई उनीहरूको कला प्रदर्शन गर्न प्रोत्साहित गर्ने मात्र नभर्य हामीले उहाँहरुलाई आफनो कला प्रदर्शन गर्न प्लेटफर्महरू पनि उपलब्ध गराउने गर्दछौं। हामी संगठित रुपमा अघि बढन आवश्यक स्रोतहरूको परिचालन साथै सामुहिकताको भावनाका साथ सबैलाई हुने गरि आयोजना हुने कार्यक्रममा प्रायोजन र साझेदारी खोज्दै नव कलाकारहरु समेतको हितमा हुने काम गर्छौ।
तपाइँको नेतृत्वमा नेपाली कलाको जगेर्ना गर्ने हेतुले हालसम्म समाज अन्तर्गत कस्ता प्रयासहरु गर्दै आउनुभएको छ ?
साँच्चै भन्नुपर्दा समाजले नेपाली कलाको संरक्षण एवं जगेर्ना गर्न आफनो स्थानबाट सक्दो प्रयास गर्दै आएको छ । हामीले युएईमा रहनुभएका नेपाली कलाकारहरूलाई मात्रै नभई नेपालबाट युएई आएर कार्यक्रम गर्नुहुने कलाकारहरुलाई समेत सहयोग गर्दै आएका छौं । यो मेरो दोस्रो कार्यकाल हो । मेरो नेतृत्वकालमा मैले हाम्रो समुदायलाई बलियो बनाउँन र नेपाली कला संस्कृतिलाई प्रबद्र्धन गर्न सक्दो प्रयास राखेको छु भन्ने लाग्छ ।
अन्तमा, समाजको भावी योजना र लक्ष्यहरू के छन ?
हाम्रो भविष्यका योजनाहरूमा हाम्रो पहुँच र स्रोतहरू विस्तार गर्ने रहेको छ। हामी युएईमा समर्पित भएर लागेका विभिन्न नेपाली संघ संस्थासँग हातेमालो गर्दै हाम्रो विविधतायुक्त कला संस्कृतिको जगेर्ना गर्न अझ सकृय रहने छौं । युएई स्थित विभिन्न जातजाती, भाषाभाषी, जिल्ला एवं भेगिय, प्रदेश आदी स्तरका संघ संस्थाहरुसँगको सहकार्यमा नेपालमा प्रचलित कला र संस्कृतिको विकास गर्ने गरि अगि बढने छौं । कलाकारहरूले भेला हुन, सहकार्य गर्न र सिर्जना पस्कन सक्ने वातावरण रहिरहोस भन्ने चाहना हो। समाजप्रति विश्वसनीयता कायम राख्न हाम्रो कला संस्कृतिलाई विश्वव्यापी रूपमा देखाउँदै नेपाली कलाको लागि अन्तर्राष्ट्रिय एक्सपोजर बढाउन हामी हरभग्दुर प्रयत्नशील रहने नै छौं भन्ने धारणा व्यक्त गर्न चाहन्छु ।
२०८१ माघ ९ - बुधबार
