दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

गङ्गाजमुना मेला भव्यताका साथ सम्पन्न, ४० हजार बढीको सहभागीता

न्यूजलाईन्स् मिडिया संवाददाता
प्रकाशित मिति : २०८१ कार्तिक २८ गते, बुधबार १९:१२

धादिङ २८ कात्तिक । धादिङको उत्तरी क्षेत्रमा पर्ने गंगाजमुना गाउँपालिका स्थित ढाडखर्कमा रहेको गंगाजमुना माईमेला २०८१ भव्यताका साथ सम्पन्न भएको छ ।

गंगाजमुना गाउँपालिकाको आयोजनामा सोमबार र मंगलबार भएको कार्यक्रममा ४० हजार बढी भक्तजनको सहभागीता रहेको गाउँपालिका पर्यटन विकास समितिका संयोजक एवम् वडा नं ६ का वडाअध्यक्ष रमेश ढकालले जानकारी दिनुभयो ।

उक्त दुईदिने मेलाको बागमती प्रदेशका मुख्यमन्त्री बहादुरसिंह लामाले उद्घाटन गर्नुभएको थियो । सोमबार बिहानैदेखि झरनाको फेदीमा जम्मा भएका भक्तजनले मंगलबार एकादशीको दिन बिहान त्यही स्नान गरी पूजाआजा गरि मनाएका छन् ।

तीन सय मिटर माथि पहराको टुप्पोबाट खस्ने गङ्गा र जमुना नामका दुई झरना रहेका छन् । झरनामा नुहाएर मनले चिताएको पूरा होस् भनेर आर्शिवाद माग्ने चलन छ । झरना झरेको पहराको बीचमा रहेको मन्दिरमा गएर गंगाजमुनाको पूजाआजा गर्ने गरिन्छ ।

उक्त झरनाको नामबाटै गाउँपालिकाको नामसमेत रहन गएको हो । मेलाको अघिल्लो दिनमा फूलको डोली ल्याएर रातभर जाग्राम बसेर भोलिपल्ट डोरी तार्ने चलनसमेत रहेको छ ।

एकादशीको दिन बिहान गङ्गाजमुनाको छहरामा स्नान गरी डोली तार्ने, बत्ती सेलाउने र पहरामा रहेको भगवान् गङ्गाजमुनाको दर्शन गरी फर्किने चलन छ । गङ्गाजमुना झरना र कुकुर धारा नुहाउँदा कुकुरले टोकेको दोष निवारण हुने तथा परिवारमा सुखशान्ति र संमृद्धि छाउने,वर्षभरि कुकुर वा अन्य कुनै जनावरले टोकेमा निको हुने,सन्तान प्राप्ति हुने धार्मिक विश्वास रहि आएको संयोजक ढकालले बताउनुभयो ।

फेसबुक प्रतिक्रिया
सम्बन्धित शीर्षकहरु