दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

दक्षिण एसियाली स्ट्रिट डिफेन्स सुरु

न्यूजलाईन्स् मिडिया संवाददाता
प्रकाशित मिति : २०८१ पुष २७ गते, शनिबार १८:३८

नेपाल जितकुण्डो मार्सल आर्ट्स संघको आयोजनामा प्रथम दक्षिण एसियाली स्ट्रिट डिफेन्स प्रतियोगिता शनिबारदेखि लैनचौरस्थित राष्ट्रिय टेबलटेनिस प्रशिक्षण केन्द्रमा सुरु भएको छ ।
प्रतियोगिताको मुख्य प्रायोजक टोखा नगरपालिकाका मेयर प्रकाश अधिकारीले एक कार्यक्रमबीच उद्घाटन गरे । पुरुषमा ५ र महिलामा २ गरी ७ स्पर्धामा प्रतिस्पर्धा भइरहेको आयोजक संघका महासचिव एवं प्रमुख प्रशिक्षक शिवबहादुर थापाले जनाएका छन् । प्रतियोगितामा नेपाल, भारत, बंगलादेश र श्रीलंकाबाट ७० खेलाडी सहभागी छन् ।
पहिलो दिन पुरुष ५० केजीमुनि विजय थापाले सञ्जय दनुवार तथा नितेश कठायतले केशव पुजारालाई पराजित गरी फाइनलमा प्रवेश गरे । पुरुष ६० केजीमुनि अल्ताब दनुवारले अर्जुन परियार तथा नरेन्द्र दनुवारले अमित थापालाई हराउदै फाइनलमा स्थान सुरक्षित गरे । पुरुष ६५ केजीमुनि विश्व तामाङले सन्जित तामाङ तथा सन्जित माझीले सुशान्त माझीलाई पाखा लगाउदै फाइनल यात्रा तय गरे ।
हरेक तौलसमूहमा नगद पुरस्कार राखिएको छ । कुल पुरस्कार राशी ३ लाख ५० हजार रुपैयाँ रहेको आयोजक संघका अध्यक्ष रामबहादुर ठकुारीले जानकारी गराए । प्रत्येक स्पर्धाको कुल पुरस्कार राशी ५० हजार रुपैयाँ रहेको छ । प्रतियोगिता सञ्चालनका लागि प्रशिक्षकद्वय स्पेनका जेक्विन मार्सेलो, पोल्यान्डका माइकल जाप्लालगायत दक्षिण एसियाली राष्ट्रका निर्णायिक नेपालमा छन् ।

फेसबुक प्रतिक्रिया
सम्बन्धित शीर्षकहरु