दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

चलचित्र ‘मायावी’ को गीत ‘टलटल टल्कियो’ सार्वजनिक

न्यूजलाईन्स् मिडिया संवाददाता
प्रकाशित मिति : २०८१ माघ २ गते, बुधबार ७:१४

काठमाडौं । निर्देशक दिवाकर भट्टराईको फिल्म ‘मायावी’ को नयाँ गीत ‘टलटल टल्कियो’ सार्वजनिक भएको छ। यो गीतमा एसडी योगी र रेश्मा पुनको सुमधुर स्वर सुन्न सकिन्छ। गीतका शब्द राम अविरल विष्टले लेखेका हुन् भने संगीत एसडी योगीकै सिर्जना हो। भिडियोलाई कविराज गहतराजले इन्गेजमेन्टको परिवेशमा कोरियोग्राफी गरेका छन्।

गीतको भिडियोमा मुख्य कलाकारहरू पल शाह, दीपिका प्रसाईँ, करिष्मा श्रेष्ठ, र समिम खान देखिएका छन्। भिडियो र गीतले फिल्मको कथावस्तु त्रिकोणात्मक प्रेमकथामा आधारित रहेको सङ्केत गरेको छ। विशेषगरी, ‘हातैमा रै’गो तानेको एकका अर्कैलाई परेछ पिरिमको ठेक्का’ भन्ने शब्दले प्रेम र सम्बन्धका जटिलता झल्काउँछ।

भिडियोमा अभिनेत्री दीपिका प्रसाईँ गर्भवती अवस्थामा देखिएकी छन्, जसले भिडियोलाई थप यथार्थपरक बनाएको छ। गीतले फिल्मको विषयवस्तुमा रुचि जगाउँदै दर्शकलाई फिल्मप्रति उत्सुक बनाएको छ।

‘मायावी’ को कथा र पटकथा स्वयं निर्देशक दिवाकर भट्टराईले लेखेका हुन्। फिल्मका निर्माता धुर्वा न्यौपाने, राज कटुवाल, र चन्द्र पन्त हुन्। यो फिल्म महाशिवरात्रिको अवसरमा फागुन १४ गते प्रदर्शनमा आउने तयारीमा छ।

यस गीतले दर्शकलाई फिल्मप्रति थप आकर्षित बनाउन सक्ने अपेक्षा गरिएको छ।

फेसबुक प्रतिक्रिया
सम्बन्धित शीर्षकहरु