काठमाडौ । फागुन २ गतेबाट प्रदर्शनमा आउने फिल्म ‘रंगी’ को दोस्रो गीत ‘तिम्रै संसारमा’ सार्वजनिक भएको छ। ओएसआर डिजिटलमार्फत रिलिज भएको यस गीतमा भीम बिसी र रजज्ञा श्रेष्ठले स्वर दिएका छन्। गीतमा भीम बिसीकै शब्द र संगीत रहेको छ भने उदयराज पौडेलले एरेन्ज र श्यामस्वेत रसाइलीले मिक्सिङ तथा मास्टरिङ गरेका छन्।
गीतको भिडियोमा मुख्य कलाकारहरू सलोन बस्नेत, नम्रता श्रेष्ठ, आयुषी ढकाल, र सुमिन गुरुङ देखिएका छन्। भिडियोमा बाबु र छोरीको माया भावनालाई चित्रण गरिएको छ। शिशिर खातीले कोरियोग्राफी गरेका छन्।
सान्भी इन्टरटेनमेन्ट प्रालिको ब्यानरमा निर्माण भएको यो फिल्म सुरेश न्यौपाने को निर्देशनमा बनेको छ। सक्षम सुवेदी, करिश्मा केसी बस्नेत, र अनिश गौतम निर्माताका रूपमा छन्। फिल्ममा सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी, सुमिन गुरुङ, र विशाल पहारी ले अभिनय गरेका छन्।
फिल्ममा सुमन गजमेरको लेखन, सौरभ लामाको छायांकन, दुर्गेश थापा, आमेश भण्डारी र भीम बिसीको संगीत, रजज्ञा श्रेष्ठ र सुजता केसीको स्वर, र कविराज गहतराज र शिशिर खातीको कोरियोग्राफी समावेश छ।
‘रंगी’लाई एप्पल इन्टरटेनमेन्ट, एफडी, र रिच इन्टरटेनमेन्टले वितरण गर्दैछन्।