काठमाडौं । आगामी माघ २५ गतेदेखि दर्शकमाझ आउने हरर फ्यामिली ड्रामा फिल्ममा ममीको ट्रेलर सार्वजनिक गरिएको छ। १ मिनेट ५७ सेकेण्ड लामो ट्रेलरमा प्रिंयका कार्की र सुलक्षण भारतीका संवाद, भूतिया आकृतिहरूसँगको भेट, र अलौकिक घटनाहरूलाई डरलाग्दो तरिकामा प्रस्तुत गरिएको छ। विशेष गरी कालो विरालोको रहस्यमय भूमिका सिनेमामा महत्त्वपूर्ण रहेको छ, जसले दर्शकमाझ कौतुहलता सिर्जना गर्ने देखिन्छ।
सिनेमामा प्रिंयका र सुलक्षणसँगै दीया मास्के, समीप निरौला, घनश्याम जोशी, आयुषी ढकाल, जेभिस श्रेष्ठ, गुराँस ढकाल र गीत विष्ट लगायतका कलाकारहरूको अभिनय रहेको छ। सिनेमाको लेखन समर निरौला र पूर्णिमा जोशीको रहेको छ भने निर्देशन समर निरौलाले गरेका छन्, जो यस सिनेमामा आफ्नो डेब्यू निर्देशन गर्दैछन्।
सिनेमाको निर्माता लोक राज जोशी र पूर्णिमा जोशी हुन् भने कार्यकारी निर्माता सुमन कोइराला रहेका छन्। छायांकन निशाल पौडेल र शरद महतोले संयुक्त रुपमा गरेका छन्, र सम्पादन सुरेन महर्जनले गरेका छन्। पाश्र्व ध्वनी रोहित शाक्यले दिएको छ, साउन्ड डिजाईन श्रवल आरपि, रङ संयोजन दिपेश चौधरी र संगीत एसडी योगीको रहेको छ।
ममी फिल्मलाई काठमाडौं उपत्यकामा काफिया फिल्म्स र मोफसलमा कुवेर सिने डिष्ट्रीब्युसनले वितरण गर्दैछन्।