गृष्मा अधिकारी
तिमी किन निराश छौ भन त? शब्दहरू खोज्छु, तर उत्तर कहाँ छ? तिमी किन आकाशतिर टोलाउँदैछौ? के बादलभित्र लुकेको कुनै कथा छ?
जुनलाई हेर्दै थोरै मोती दाना झाछौँ, मुस्कानसहित कुनै याद सम्हाल्छौ। अनि फेरि किन ऐकलै-ऐकलै हराउँछौ? के मनमा कुनै अपूरो सपनाको घाउ छ?
तिमीलाई कसले बुझ्छ भन त? के यो संसार तिम्रो मौनता सुन्न सक्छ? मलाई किन अतिधेरै दुःखाउँछौ? के तिम्रो पीडाको हिस्सेदार म मात्र हुँ?
यो सबै मुटुको उत्तर के दिऊँ म? शब्दहरू छन्, तर अर्थहरू हराएका छन्। मेरो हृदयले अनुभूत गर्छ, तर बुझाउन सक्दैन, ए चन्द्रमा ! तिमीलाई साँच्चै कोही बुझ्न सक्छ त ?
२०८२ बैशाख ५ - शुक्रबार
