एभरेष्ट नेपाल कल्चरल ग्रुप’ ले थाइल्यान्डमा नेपालको तर्फबाट गौरवमय प्रस्तुतिएनसीआईसीकेकी सचिव महराद्वारा अर्थमन्त्री पौडेलसँग भेट, बजेटमार्फत नीतिगत भ्रष्टाचार रोक्न आग्रहशनिबार भृकुटीमण्डपमा फुड फेस्टिभल हुनेग्लोबल स्टार अवार्डबाट प्रवासी नेपाली सेफहरू सम्मानितमधु र सागरको आवाजमा आयो ‘सनई ढोलाकी’,नेपाल इन्जिनियरिङ कलेजमा पूर्वविद्यार्थीहरुको जमघट हुँदैगोर्खाली रग्बीद्धारा फिफ्टिन्स रग्बीको उपाधि रक्षाPakistan Embassy in Kathmandu hosts reception to mark Pakistan's 85th National Dayसनवे कलेज र होस्टल व्यवसायी संघ बीच शैक्षिक सहयोग सम्झौतानेपाली नयाँ बर्षको अवसर पारी 2th फुटसाल जो जो युवा क्लब लार्नाका मा सम्पन्न

कास्की आदर्श सयपत्री कप भलिबल प्रतियोगिता सम्पन्न, आयोजक कास्की प्रथम

न्यूजलाईन्स् मिडिया संवाददाता
प्रकाशित मिति : २०८१ चैत्र २२ गते, शुक्रबार १०:५६

केदार कुँवर / दुबई(युएई)

नेपालीहरूको लोकप्रिय तथा राष्ट्रिय खेल भलिबल स्वदेशमा मात्र नभयर विदेशमा पनि अत्यन्तै व्यापक बन्नेक्रममा यूएईको दुवई स्थित अलवसल स्पोर्टस् सेन्टरमा छैठौं कास्की आदर्श सयपत्री कप भलिबल प्रतियोगिता २०२५ भव्य रूपमा सम्पन्न भएको छ। मुस्लिम धर्मावलम्बीहरूको पवित्र महिना रमजानको समापनसँगै सुरू भएको महान पर्व “इद अल फित्र २०२५” को अवसरमा “स्वास्थ्यका लागि खेलकुद” भन्ने मूल नाराका साथ कास्की आदर्श समाज, युएईले उक्त प्रतियोगिता आयोजना गरेको हो।

कास्की आदर्श समाज अन्तराष्ट्रिय समन्वय परिषदका उपाध्यक्ष तथा एनआरएनए एनसीसी यूएईका अध्यक्ष विकास शाहीको प्रमुख आतिथ्यतामा सम्पन्न उक्त प्रतियोगितामा कास्की आदर्श समाज यूएईका संस्थापक संरक्षक एवम् अन्तराष्ट्रिय समन्वय परिषदका संस्थापक उपाध्यक्ष कृष्ण बहादुर ढकाल, नेपाली समाज यूएईका पार्षद् अध्यक्ष कमल गिरी लगायत विभिन्न संस्थाका प्रतिनिधिहरु एबम नेपाली समुदायको बाक्लो उपस्थिती थियो।

यूएईका विभिन्न शहरमा सक्रिय रहेका २२ वटा भलिबल टिमको सहभागिता रहेको उक्त प्रतियोगिता नकआउटको आधारमा खेलाइएको थियो। दुईवटा समूह बनाएर खेलाइएको प्रतियोगिता अन्तर्गत ग्रुप ए बाट आयोजक कास्की आदर्श समाज भलिबल टिमले पाल्पाली समाज भलिबल टिमलाई पराजित गरि फाइनलमा प्रवेश गरेको र ग्रुप बि बाट तनहुँ समाज भलिबल टिमले प्रदेशी हातेमालो निलो भलिबल टिमलाई पराजित गरेर फाइनलमा प्रवेश गरेको थिए। फाइनल खेलमा कडा प्रतिष्पर्धाको बीच आयोजक कास्की आदर्श समाजले २-१ सेटमा तनहुँ समाज भलिबल टिमलाई पराजित गरेर प्रथम पुरस्कार ५ हजार दिह्राम सहित ट्रफी र मेडल प्राप्त गर्न सफल भयो भने दोश्रो हुने तनहुँ समाजले तिन हजार दिह्रामसहित ट्रफी र मेडल प्राप्त गर्न सफल भयो ।

प्रतियोगितामा नेपाली राष्ट्रिय गानका साथ बिधीबत रूपमा कार्यक्रमको उद्घाटन गरिए पछि उपस्थित प्रमुख अतिथी, विशिष्ट अतिथि तथा अतिथिहरू बाट संयुक्त रूपमा मुख्य रेफ्रिलाइ बल हस्तान्तरण गरिएको प्रतियोगिता अन्तराष्ट्रिय भलिबल संघको नियमानुसार नकआऊट नियमवाट खेल खेलाईएको थियो। प्रतियोगिताको सेमी फाइनलमा पुगेका दुवै टिम पाल्पाली समाज भलिबल र प्रदेशी हातेमालो निलोलाई शान्त्वना पुरस्कार स्वरूप ७५० दिह्राम प्रदान गरिएको थियो।

प्रतियोगितामा विभिन्न बिधागत उपाधिहरू मध्ये उत्कृष्ट खेलाडीको उपाधि कास्की आदर्शका साजन परियार, उत्कृष्ट स्पाइकर तनहुँका मिलन चन्द ठकुरी, उत्कृष्ट ब्लकर प्रदेशी हातेमालोका प्रदीप ठकुरी, उत्कृष्ट सेटर तनहुँका घनश्याम गुरुङ (गन्नु), उत्कृष्ट कुइकर कास्की आदर्शका दिनेश परियार, उत्कृष्ट लिब्रो कास्की आदर्शका समीर गुरुङ, उत्कृष्ट सर्भर पाल्पाली समाजका विजय परियार र उत्कृष्ट टिम कोचको उपाधि कास्की आदर्शका किरण पाइजा पुन मगरलाई प्रदान गरिएको थियो ।

उक्त प्रतियोगितामा प्राविधीक सहयोग सहित रेफ्रीको संयोजन पूर्व राष्ट्रिय भलिबल खेलाडी एवम् नेपालका राष्ट्रिय भलिबल रेफ्रि ईश्वर घमालले गरेका थिए उनको टिममा लवन गोतामे, लोकेश बंशी ठकुरी र महेन्द्र राना सदस्य रहेको प्रतियोगिता संयोजक समेत रहेका समाजका सल्लाहकार सन्तोष गुरुङले हामीलाई जानकारी दिए।

कार्यक्रममा प्रमुख अतिथी विकास शाहीले पुरस्कार र प्रमाणपत्र प्रदान गरेका थिए । त्यस अबसरमा बोल्दै उनले दुबईमा कास्की आदर्श समाजले रचनात्मक काम गरेको उल्लेख गर्दै अन्तराष्ट्रिय समन्वय परिषदमा समेत यस समाजको भूमिका महत्वपुर्ण रहेको बताए । उनले खेलाडीहरु राष्ट्र र समाजको सम्पति भएको समेत उल्लेख गरे।

कास्की आदर्श समाज युएईका अध्यक्ष शिवराज बस्ताकोटीले बिजेताहरुलाई बधाई दिंदै प्रतियोगिता सम्पन्न गर्न सहयोग गर्ने विभिन्न व्यक्ति र संस्थाप्रति आभार प्रकट गरेका थिए उनले भविष्यमा पनि यस किसिमको कार्यक्रममा सबैको सहयोगको अपेक्षा समेत गरे। संस्थाका उपाध्यक्ष एवम् खेलकुद संयोजक विजय त्रिपाठीले प्रतियोगिताको बारेमा जानकारी दिएको उक्त कार्यक्रमको संचालन समाजका महासचिव बुद्विबहादुर रानाभाटले गरेका थिए।

प्रतियोगिता सम्पन्न गर्न सयपत्री ट्राभल्स एण्ड रेस्टुरेन्ट ग्रुप सहित ग्रीनलाइन ग्रुप, लिंक इन्टरनेसनल, अल अन्सारी एक्सचेञ्ज, सीजी ग्रुप, कास्की आदर्श समाज अन्तराष्ट्रिय समन्वय परिषद, ध्रुबतारा युवा क्लब युएई शाखा, माउन्ट एभरेष्ट टाइपिङ सेन्टर, याक एण्ड यति रेस्टुरेन्ट, सपना ज्वेलरी, भान्साघर अबुधाबी, अल दाहाब एक्सचेन्ज, लालिगुराँस रेस्टुरेन्ट, पोखरा मिट ट्रेडिग, हबेन डोर जनरल ट्रेडिग, प्रदेशी हातेमालो सहकारी संस्था, चिरफार ग्रुप, मेची महाकाली युनाइटेड फुटबल क्लब, प्रभु बैंक, लक्ष्मी ज्वेलरी, स्टार अल मदिना पेस्ट कन्ट्रोल लगायतका ब्यबसायिक प्रतिष्ठान र व्यक्तिले आर्थिक एबम अन्य सहयोग गरेको आयोजकले जनाएको छ।

फेसबुक प्रतिक्रिया
सम्बन्धित शीर्षकहरु