तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

नेपाल डे परेड २०२५ का लागि खुला टाउनहल बैठक: नेपाली कला र पहिचानलाई विश्वसामु उजागर गर्ने तयारी तीव्र

न्यूजलाईन्स् मिडिया संवाददाता
प्रकाशित मिति : २०८१ चैत्र २९ गते, शुक्रबार २०:३९

अक्कल तामाङ

न्यूयोर्क, अप्रिल १० – गैर-आवासीय नेपाली संघ (NRNA) अमेरिका, न्यूयोर्कको आयोजनामा यस वर्ष पनि “नेपाल डे परेड २०२५” न्यूयोर्क सिटीको म्यान्हटनमा मे १८ तारिख (आइतबार) का दिन भव्य रूपमा सम्पन्न हुने भएको छ। नेपाली कला, संस्कृति, र पहिचानलाई अन्तर्राष्ट्रिय मञ्चमा प्रभावशाली रूपमा प्रस्तुत गर्ने उद्देश्यले विगत केही वर्षदेखि आयोजना हुँदै आएको यो परेड अब एक सांस्कृतिक परम्पराको रूपमा स्थापित हुँदै गएको छ।

यस ऐतिहासिक उत्सवलाई अझ प्रभावकारी, समावेशी, र सफल बनाउनका लागि खुला टाउनहल बैठकको आयोजना गरिएको छ। सम्पूर्ण अमेरिकामा बसोबास गर्ने नेपाली समुदायका अगुवा, संघ–संस्था, व्यवसायी, पत्रकार, कलाकार, स्वयंसेवक, र युवाहरूलाई बैठकमा उपस्थित भई आफ्नो अमूल्य सुझाव र सहभागिता जनाउन हार्दिक अनुरोध गरिएको छ।

बैठकको उद्देश्य र कार्यसूची:
• नेपाल डे परेड २०२५ को उद्देश्य र योजना प्रस्तुत
• विभिन्न कार्यदलहरू गठन
• सहकार्य र सहभागिता सुनिश्चित
• स्टेरिङ कमिटीको गठन

बैठकको विवरण:
• मिति: अप्रिल १३, २०२५ (आइतबार)
• समय: दिउँसो १:०० बजे
• स्थान: नेपाली भान्छा घर, 74-15 Roosevelt Ave, Jackson Heights, NY 11372

गैर-आवासीय नेपाली संघ, न्यूयोर्कका सचिव राजु तामाङका अनुसार, “नेपाल डे परेड नेपाली पहिचानको आवाज हो। यसलाई सफल बनाउन सबैको साझा प्रयास आवश्यक छ। हामी सबै नेपालीलाई एकजुट भएर सामूहिक उत्सवको भावना प्रस्तुत गर्न हार्दिक आमन्त्रण गर्छौं।”

नेपाल डे परेड २०२५ न केवल सांस्कृतिक उत्सव हो, यो हाम्रा पुस्तालाई आफ्नो जरा सम्झाउने, एकताको सन्देश फैलाउने, र नेपाली समुदायको आवाज विश्व समुदायसमक्ष पुर्‍याउने अवसर पनि हो ।

फेसबुक प्रतिक्रिया
सम्बन्धित शीर्षकहरु