
मनिशा अर्याल ,साइप्रस।
किरात राई यायोक्खा साइप्रसले साकेला उभौली पर्व यो बर्ष पनि स्थानीय कलाकारहरुको साथमा धुमधामको साथ साइप्रसमा मनाउने भएको छ। यहि आगामी आइतबार ११ मे बिहान १० बजे देखि बेलुकी ५ बजे सम्म Tikkks place limasol मा साकेला उभौली मनाउन लागिएको किरात यायोक्खा साइप्रसको अध्यक्ष नवीन राईले बताए!
साइप्रसमा विभिन्न नेपालीपन झल्काउने, मनोरञ्जनात्मक कार्यक्रमहरु गर्दै आएको किरात राई यायोक्खा साइप्रसले यहाँ रहेका नेपाली समुदायलाई मनोरञ्जन प्रदान गर्दै नेपाल नेपालीलाई एकतामा बाध्दै नेपाली गित सङ्गीत कला तथा कलाकारहरुलाई सम्मान गर्दै कार्यक्रम आयोजना गरेको आयोजकले जानकारी दिएको छ।
किराँती संस्कृति अनुसार ढोल झ्याम्टा बजाउदै साकेला शिली नाँच प्रस्तुत गरिने बताइएको छ। साथै, संघसंस्थाका कलाकारले पनि आफ्नो सांगीतिक प्रस्तुति दिने तयारी रहेको आयोजकले जनाएका छन्।
सो कार्यक्रमको लागि प्रत्येक सहर बाट बसको सुबिधा रहेको छ भने टिकट शुल्क २० युरो रहेको जानकारी प्राप्त भएको छ्।
जहाँ रहे पनि आफ्नो समुदायको भाषा कला को जोगेर्ना गर्ने कर्तव्य सबैको भएकाले प्रदेशमै भए पनि सोही अनुरुप राईहरु एकताबद्ध भएर लागिपरेको जानकारी प्राप्त भएको छ।
सो कार्यक्रम मा उपस्थित भै कार्यक्रम लाई सब्य र भब्य बनाईदिनु हुन सम्पुर्ण साइप्रसवासि नेपाली दाजुभाइ तथा दिदिबहिनीहरुलाई आयोजक टिम ले अनुरोध समेत गर्नुभएको छ।


