दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

फेकनको सदस्यमा उम्मेदवारी दिएका शिवाकोटी के भन्छन् ?

न्यूजलाईन्स् मिडिया संवाददाता
प्रकाशित मिति : २०८२ बैशाख २५ गते, बिहीबार १७:३१

काठमाडौँ । स्वतन्त्र शैक्षिक परामर्श संघ नेपाल (फेकन) को शनिबार हुने निर्वाचनका लागि सदस्य पदमा निराजन शिवाकोटीले उम्मेदवारी दिएका छन् ।
लामो समयदेखि शैक्षिक परामर्श व्यवसायमा क्रियाशील शिवाकोटीले संस्थाको दीगो विकास र सदस्यहरूको सशक्तिकरणका लागि आफ्नो उम्मेदवारी भएको बताएका छन् । ८ जना सदस्य चयन हुनुपर्ने विधान छ भनें त्यसमा १२ जनाको उम्मेदवारी परेको छ ।
शिवाकोटीले फेकनलाई अझ प्रभावकारी, पारदर्शि र सदस्य–केन्द्रित संस्था बनाउन आफू प्रतिबद्ध रहेको बताएका छन् । उनले आफू निर्वाचित भएमा सदस्यहरूको सहभागिता बढाउँदै उनीहरुबाट आएका सुझावलाई प्राथमिकतामा राखेर काम गर्ने बताएका छन् । उनले अन्तर्राष्ट्रिय शिक्षा बजारसम्म फेकनको पहुँच विस्तार गर्ने र व्यावसायिक चुनौतीहरूको समाधानका लागि नीतिगत तहमा सक्रिय रहने प्रतिबद्धता व्यक्त गरेका छन् ।
उनले विदेशी विद्यार्थीहरूलाई नेपालको शैक्षिक प्रणालीतर्फ आकर्षित गर्न ‘एक्सचेन्ज प्रोग्राम’ मार्फत विदेशी विश्वविद्यालयहरूसँग सहकार्य गर्ने र नेपालमा अध्ययनका अवसरहरू सिर्जना गर्ने दीर्घकालीन उद्देश्य पनि अघि सारेका छन । उनले सदस्यहरूको एक मतले आफूलाई फेकनको सेवामा ठूलो भूमिका खेल्ने अवसर दिने विश्वास व्यक्त गर्दै शैक्षिक परामर्श क्षेत्रलाई अझ उचाइमा लैजान सबै सदस्यहरूको साथ, समर्थन र विश्वासको अपेक्षा गरेका छन् ।
शनिबार हुने निर्वाचनले दुई वर्षको लागि नयाँ कार्यसमिति चयन गर्ने छ । फेकनमा २ सय ६२ मतदाता रहेका छन् ।

फेसबुक प्रतिक्रिया
सम्बन्धित शीर्षकहरु