दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

ईन्द्रेणी दोहोरी तारा बनिन् सपना रोका

न्यूजलाईन्स् मिडिया संवाददाता
प्रकाशित मिति : २०८२ असार २९ गते, आईतवार १५:०१

सुष्मा ठकुरी फाउन्डेशन नेपालद्वारा असार २७ र २८ गते काठमाडौंको बुद्धनगरस्थित ईन्द्रेणी साँस्कृतिक विकास केन्द्रमा आयोजना गरिएको “ईन्द्रेणी दोहोरी तारा २०८२” प्रतियोगितामा सपना रोका प्रथम बनेकी छन्।

४२ टिमको सहभागिता रहेको यस भव्य प्रतियोगितामा सपनाले उत्कृष्ट प्रस्तुति दिँदै नगद १ लाख ११ हजार १ सय ११ रुपैयाँ, ट्रफी, मेडल र प्रमाणपत्र हात पारिन्।

दोस्रो स्थानमा टेकराज भण्डारी रहँदै उनले नगद ५५ हजार ५ सय ५५ रुपैयाँ, ट्रफी र प्रमाणपत्र प्राप्त गरे। अन्य विधामा विभिन्न कलाकारहरूले अवार्ड जिते, जसअनुसार उत्कृष्ट गायक: सरोज सिम्खडा, नव गायक: सुवास रेग्मी, अनुशासित गायिका: लुमा केसी, उत्कृष्ट भेषभूषा: शंकर क्षेत्रीले हात पारे ।

कार्यक्रममा लोकसंगीत क्षेत्रमा महत्वपूर्ण योगदान पुर्‍याएका व्यक्तित्वहरूलाई सम्मान गरिएको थियो। राष्ट्रिय लोक तथा दोहोरी गीत प्रतिष्ठान नेपालका संस्थापक अध्यक्ष अमर बिरही गुरुङ, वरिष्ठ लोकगायक प्रेम राजा महत, चलचित्र निर्देशक तथा संगीतकार नारायण रायमाझी, प्रतिष्ठानका पूर्व अध्यक्ष प्राज्ञ दुर्गा रायमाझीलाई विशेष सम्मान प्रदान गरिएको हो।

निर्णायक मण्डलको टिममा जुरी प्यानलमा इन्द्र जिसी, सीता थापा, राजु ढकाल (निर्णायक संयोजक), श्याम राना, बबिता बानियाँ “जेरी”, मीना बुढाथोकी, प्रकाश पराजुली, जालु माया गुरुङ, बीमा अनुरागी लगायतको सहभागिता थियो।

कार्यक्रमका प्रमुख अतिथि नेपाल संगीत तथा नाट्य प्रज्ञा प्रतिष्ठानकी कुलपति माननीय निशा शर्मा रहिन्। कार्यक्रमको सभापति तथा सुष्मा ठकुरी फाउन्डेशनकी अध्यक्ष सुष्मा शाही ठकुरीले फाउन्डेशनले सामाजिक र सांस्कृतिक क्षेत्रमा योगदान पुर्‍याउने उद्देश्यसहित पहिलोपटक आयोजना गरेको यस कार्यक्रमलाई निरन्तरता दिइने बताइन्।

कार्यक्रमको मुख्य प्रायोजक ईन्द्रेणी रहेको थियो। कार्यक्रममा लोक सञ्चारकर्मी नेपालका अध्यक्ष चन्द्रमणि गौतम र प्रतिष्ठानकी अध्यक्ष रिता थापा मगर, प्राज्ञ टिका पुन, ईन्द्रेणी साँस्कृतिक विकास केन्द्रका संचालक कृष्ण कंडेल, प्रतिका कंडेल लगायत बिशिष्ट ब्यक्तिहरूको उपस्थित थियो।

फेसबुक प्रतिक्रिया
सम्बन्धित शीर्षकहरु