दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

साउथवेस्टर्न स्टेट कलेजद्वारा चेस प्रतियोगिता आयोजना

न्यूजलाईन्स् मिडिया संवाददाता
प्रकाशित मिति : २०८२ श्रावण २३ गते, शुक्रबार १८:०८

काठमाडौं, २३ साउन । साउथवेस्टर्न स्टेट कलेज, बसुन्धराको आयोजनामा प्रथम साउथवेस्टर्न स्टेट कलेज चेस प्रतियोगिता हुने भएको छ । आज (शुक्रबार) रिपोर्टर्स क्लब नेपालमा पत्रकार सम्मेलन गर्दै साउन २७ र २८ गते कार्यक्रम गर्न लागिएको जानकारी गराइएको हो । दुई दिनसम्म चल्ने यो प्रतियोगिता नेपालको चेस इतिहासमै सबैभन्दा ठूलो कलेजस्तरीय आयोजनामध्ये एक मानिएको छ ।
प्रतियोगितामा १ लाख ४२ हजार नगद पुरस्कार, उच्चस्तरीय व्यवस्थापन, काठमाडौँ उपत्यका बाहिरबाट आउनेहरूको बसोबास, सुरक्षा र सम्पूर्ण व्यवस्थाको लागि कलेज व्यवस्थापनले विशेष तयारीसहित झन्डै ७ लाख रुपैयाँभन्दा बढीको लगानी गरेको बताइएको छ ।
प्रतियोगितामा भाग लिन दर्ता शुल्क एक हजार तोकिएको छ । सहभागी हुन चाहनेले साउन २५ गतेसम्म नाम दर्ता गराउन पाउनेछन् ।
प्रतियोगितामा प्रथम हुनेलाई ५० हजार, दोस्रो हुनेलाई २५ हजार र तेस्रो हुनेलाई १५ हजार, अन्य स्थान र महिला खेलाडीहरूका लागि विशेष पुरस्कारको व्यवस्था गरिएको छ ।
प्रतियोगितामा टोखा नगरपालिकाको सहयोग उल्लेखनीय रहेको आयोजक संस्थाले बताएका छ । नगरप्रमुख प्रकाश अधिकारी, वडा नं. ५ का अध्यक्ष मदन गुरुङ र वडा नं.७ का अध्यक्ष नरोत्तम राणाको सक्रिय भूमिकाले कार्यक्रमको व्यवस्थापन र सफलतामा योगदान दिएको आयोजकको भनाइ छ ।
चेसको माध्यमबाट शैक्षिक संस्था र विद्यार्थीबीचको नेटवर्क विस्तार, प्रतिस्पर्धा र सहकार्यको सन्देश दिने उद्देश्यले प्रतियोगिता आयोजना गरिएको बताइएको छ ।

फेसबुक प्रतिक्रिया
सम्बन्धित शीर्षकहरु