
मनिशा अर्याल ,साइप्रस
नेपाली नारीहरुको महान पर्व हरितालिका तिजको अवसरमा साइप्रस स्थित लार्नाकामा तीज बिशेष कार्यक्रम भब्यताका साथ सम्पन्न भएको छ । नेपाली समाज डिबिआर को आयोजनामा नेपालीहरुको वस्ती रहेको राज्य लार्नाकामा नेपाली महिलाहरुको महान चाड हरितालिका तिज भव्यताको साथ मनाएको छ । महिला अधिकार ,महिला सशक्तिकरण तथा अन्य सामाजिक सेवामा अहम भूमिका निर्वाह गर्दै आएको डिबिआर ले पहिलो पटक तीज मनाएको हो । गत अगस्ट २४ तारिखमा भएको तिज कार्यक्रममा साइप्रस क्षेत्र वरपरका महिला दिदि बहिनिको उत्साहजनक सहभागिता रहेको थियो ।
सो अवसरमा भेला भएका दिदीबहिनीहरुले सामूहिक दर खानुका साथ साथै एक आपसमा तीजको शुभकामना आदानप्रदान गरेका थिए ।
नेपाली राष्ट्रिय गानसँगै शुरु भएको कार्यक्रममा स्थानिय कलाकारद्वय गायक गायिका हरुले आ–आफ्नो सांगितीक प्रस्तुती मार्फत् सहभागीहरुलाई नचाएका थिए ।
तीजका गितमा निकै रमाएर नाचगानमा सहभागी भएका थिए l तीजमा सुरु देखि अन्त्य सम्मका कार्यक्रममा भिडियो र छाया चित्र मिडिया chefno tv को पत्रकार आत्मा ध्वोज ले जिम्मेबार बहन गरेका थिए l कार्यक्रम संचालन मनिसा अधिकारीले गरेकी थिइन् ।Dj.Maicha(Laxmi Shrestha) र Dj. Maic ले टेक्निकल भुमिका निर्वाह गरेको थियो।
डिबिआर नेपाली समाज साइप्रसकी अध्यक्ष दुर्गा सुबेदीको सभापतित्वमा संन्चालन भएको कार्यक्रममा मनिसा अर्याल र एनआरएनए साइप्रसको अध्यक्ष दत्तनन्द पान्डेले मन्तव्य राखेको थियो।
महिलाहरु रातो सारी ,चुरा ,पोते ,तिलहरीको साथमा तिज मनाउन आएका थिए भने तीजमा टिपिकल नेपाली खानेकुरा राखी दर खुवाईएको थियो l
कार्यक्रम संयोजक व्यवस्थापनमा डिबिआर नेपाली समाजको सिङ्गो टिम नै एकजुट भएर कार्यक्रम लाई सफल पार्न खटनु भएको थियो , भने स्वयंसेवक साथीहरुले पनि आ आफ्नो जिम्मेवारी निर्वाह गरेको थियो।।
कार्यक्रमको अन्त्यमा कार्यक्रम संयोजक राजमान घलानले कार्यक्रमलाई सफलता पुर्वक सम्पन्न गराउन उपस्थित हुनुभएको सम्पुर्ण नेपाली दाजुभाइ तथा दिदिबहिनीहरु लाई धन्यवाद दिनुभएको छ।


