तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

उपत्यका ट्राफिक कन्ट्रोल रूम पुनर्निर्माणमा सहयोग पुर्‍याएबापत सञ्चारकर्मी रामजी बगाले विशेष सम्मानित

न्यूजलाईन्स् मिडिया संवाददाता
प्रकाशित मिति : २०८२ कार्तिक ११ गते, मंगलवार १५:४५

काठमाडौं । जेन्जी आन्दोलनका क्रममा क्षतिग्रस्त बनेको काठमाडौं उपत्यका ट्राफिक कन्ट्रोल रूम गैरआवासीय नेपाली संघ (एनआरएनए)को करिब ७५ लाख रुपैयाँ लागतमा पुनर्निर्माण सम्पन्न भएको छ।

उक्त पुनर्निर्माणमा सञ्चार माध्यमको तर्फबाट उल्लेखनीय सहयोग र सक्रियता देखाएबापत जनसवाल राष्ट्रिय दैनिकका सम्पादक तथा अध्यक्ष रामजी बगालेलाई एआईजी दानबहादुर कार्की र एनआरएनए अध्यक्ष महेश कुमार श्रेष्ठले संयुक्त रूपमा प्रमाणपत्रसहित विशेष सम्मान प्रदान गरेका छन्।

सम्मान ग्रहणपछि सञ्चारकर्मी बगालेले भने, “यो सम्मान मेरो पत्रकारिता यात्राको प्रेरणाको श्रोत बनेको छ। यसले मेरो मनोबल र जिम्मेवारी दुबै बढाएको छ। आगामी दिनमा प्रवासी नेपालीका आवाजलाई अझ सशक्त रूपमा उठाउँदै अघि बढ्नेछु।”
काठमाडौं ट्राफिक कन्ट्रोल रूमको पुनर्निर्माण कार्य एनआरएनएका उपाध्यक्ष तथा विपत् व्यवस्थापन समितिका संयोजक मनोज श्रेष्ठ, महिला संयोजक तथा सह–संयोजक रश्मि थापा र सम्पूर्ण टिमको सक्रिय नेतृत्वमा छोटो समयमा सम्पन्न भएको हो।

उक्त पुनर्निर्माण कार्यले प्रवासी नेपाली र मातृभूमिको सम्बन्धलाई अझ सशक्त बनाएको भन्दै उपस्थित सबैले एनआरएनएको यो कदमलाई सराहना गरेका थिए।

फेसबुक प्रतिक्रिया
सम्बन्धित शीर्षकहरु