तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

स्थानीय तह कर्मचारी संघ नेपालको पाँचौ बैठक भेडेटारमा बस्ने

न्यूजलाईन्स् मिडिया संवाददाता
प्रकाशित मिति : २०८२ पुष ११ गते, शुक्रबार ११:५१

काठमाडौं । स्थानीय तह कर्मचारी संघ, नेपालको केन्द्रीय समितिको पाँचौं बैठक धनकुटाको भेडेटारमा बस्ने भएको छ ।
संघको आज केन्द्रीय कार्यालय भृकुटीमण्डप काठमाडौंमा बसेको सचिवालय बैठकले केन्द्रीय समितिको बैठक बस्ने निर्णय गरेको अध्यक्ष नारायणप्रसाद शर्माले बताए । संघको बैठक पौष १० र ११ गते बस्ने भनेर यसअघि निर्णय गरिएको भए पनि विशेष कारणले सरेको संघका महासचिव शम्भु बरालले बताए । ‘आज बसेको सचिवालय बैठकले समसामयिक विषयमा छलफल गर्दै केन्द्रीय समितिको बैठकको मिति टुंगो लगाएको हो ’उपमहासचिव विष्णु पौडेलले भने । बैठकमा जिल्ला शाखासँगै संघलाई तल्लो तहसम्म पनि बिस्तार गर्दै लाने विषयमा पनि छलफल भएको महासचिव बरालले जनाए । संघले समसामयिक विषयमा अन्तरक्रिया तथा छलफल गर्दै आएको पनि जनाएको छ । संघले हालै सम्पन्न नेकपा एमालेको महाधिवेशनबाट निर्वाचित पदाधिकारीलगायत सबैलाई बधाई दिँदै सफल कार्यकालको शुभकामना पनि व्यक्त गरेको छ ।

संघका कोषाध्यक्ष कुवेर के.सी.ले कार्यालय बन्द हुने दिन पारेर बैठक आयोजना गरिएको बताए । ‘हामी जनताको कामसँग प्रत्यक्ष रुपमा जोडिएका हुन्छौं, एकदिन होइन एकैछिन हामी नहुँदा पनि नागरिकको काममा बाधा प्ुग्ने भएकाले बिदा हुने समय मिलाएर बैठक बोलाइएको हो’ केसीले. भने ‘स्थानीय तहका कर्मचारीले धेरै काम गरेर जिम्मेवारी लिनुपरेको भए पनि कहिलेकाहीँ बिनाकारण हामीमाथि आरोप लगाइन्छ, यो दुःखद् कुरा हो ।’ केसीले कर्मचारीका साझा मुद्या र सरोकारका विषयमा संघ निरन्तर लागिरहेको बताएका छन् ।

फेसबुक प्रतिक्रिया
सम्बन्धित शीर्षकहरु