
-सचिन्द्र श्रेष्ठ
नेवार समुदायको साझा राष्ट्रीय संगठन ‘नेवा :देय् दबू’ले काठमाण्डौ न.पा.१६ च:मतिस्थित ‘नेवा:छे’को नया भवन निर्माण र संरक्षणका लागि नेवा:पुच: यूएई मार्फत सहयोग गर्न आवाह्न गरेको छ ।
नेवा:पुच:यूएईले नेवारको भाषा, पहिचान ,एकता र अस्तित्वको संरक्षण तथा प्रबधनका लागि बैदेशिक रोजगारमा गएका आम नेपालीलाई आर्थिक सहयोग गर्न सार्वजनिक आह्वान गरेको हो ।
सबै जातजाति, भाषाभाषी,संस्कारको अपनत्व हुने गरी बहुजातीय, बहुभाषिक र बहुसांस्कृतिक र कुनै ब्यक्ति गत स्वार्थ भन्दा माथि रहेर निर्माण गर्ने लक्ष्य सहित अघि बढेको नेवा:पुच:यूएईका महासचिब कुमार बलामिले बताए ।
‘नेवा छे’ लाई लिपि,साहित्य, कला, सम्पदा,संस्कृति र पर्यटन गतिबिधि केन्द्रको रुपमा विकास गर्ने उद्देश्यले उक्त घर बनाउने काम भएको नेवा:पुच:यूएईका अध्यक्ष बिरेन्द्र नकर्मि, उपाध्यक्ष सुनिलमान श्रेष्ठ र उपाध्यक्ष दिपेश श्रेष्ठले एक साथ बताए । भाषा,सभ्यता,कलाको माध्यमबाट संस्कृति संरक्षण र समाज विकासमा महत्वपूर्ण भूमिका खेल्ने ध्येयले साझा हितलाई ध्यान दिएर नेवा: छे निर्माण गरिएको नेवा: पुच: युएई परिवारको भनाइ छ ।
उक्त अभियानलाई सफल बनाउन नेवा: पुच: युएईले संस्थागत रूपमा सहयोग गर्ने प्रतिबद्धता जनाउँदै इच्छुक दाता,संघ सस्था मार्फत आर्थिक सहयोग संकलन सुरु गरेको बिज्ञप्तिमा जनाएको छ।
“छिगु,जिगु,झी सकसिगु-नेवा :देय् दबू “भन्ने नाराका साथ बि. स. २०५२ भाद्र १६ र १७ मा काठमाण्डौमा भएको बृहत् नेवारहरुको प्रथम अधिबेशन द्वारा ‘नेवा :देय् दबू’को स्थापना गरिएको हो ।”


