
मनिसा अर्याल , साइप्रस
तामाङ्ग समुदायको प्रमुख सांस्कृतिक पर्व ल्होसार २०२६ को अवसरमा लामा अपार्टको आयोजनामा भव्य सोनाम ल्होसार कार्यक्रम आयोजना हुने भएको छ। उक्त अवसरलाई अझ भब्य बनाउन चर्चित गायक राजु लामाको लाइभ म्युजिक सहित स्थानिय कलाकारहरुको विविध सांस्कृतिक साङ्गगेतिक कार्यक्रम प्रस्तुत गरिने आयोजकले जानकारी दिएका छ।
कार्यक्रम यहि आगामी १८ जनावरी आइतबार २०२६ का दिन Monte liza event hall in cyprus paphos सहरमा हुने भएको छ। सोनाम ल्होसार पर्वको सांस्कृतिक, धार्मिक र सामाजिक महत्वलाई उजागर गर्ने उद्देश्यले आयोजना गरिएको आयोजक ले जानकारी दिएको छ्।कार्यक्रममा तामाङ्ग समुदायका मौलिक नृत्य, लगायत विविध थुप्रै गीत, भेषभुषा तथा सामूहिक सांस्कृतिक प्रस्तुति समावेश रहनेछ।
कार्यक्रममा राजुलामाको प्रत्यक्ष लाईभ आकर्षणको केन्द्र रहने आयोजकले बताएका छ। उनका लोकप्रिय गीतहरूमा दर्शक तथा शुभेच्छुकहरू झुम्ने अपेक्षा गरिएको छ। साथै, कार्यक्रमले साइप्रसमा बसोबास गर्ने नेपाली तथा सम्पुर्ण नेपाली समुदायबिच आपसी सद्भाव, एकता र सांस्कृतिक पहिचानलाई थप मजबुत बनाउने विश्वास लिइएको छ ।
आयोजक संस्थाले ल्होसार कार्यक्रम सफल बनाउन टिकट खरिदमार्फत सहयोग गर्न र साइप्रसको सबै सहरहरुमा टिकट पुगिसकेको हुँदा सम्बन्धित स्वयंसेवक साथिहरु सङ्ग सम्पर्क गरि आफ्नो टिकट सुरक्षित गर्नुहुन समेत हार्दिक अपिल गर्नुभएको छ ! विस्तृत जानकारीका लागि आयोजकहरूलाई फोनमार्फत सम्पर्क गर्न सकिने जनाइएको छ ।


