दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

जनसवाल राष्ट्रिय दैनिकका सम्पादक रामजी बगाले सम्मानित

न्यूजलाईन्स् मिडिया संवाददाता
प्रकाशित मिति : २०८२ माघ १० गते, शनिबार २०:१६

काठमाडौं , पत्रकारिता क्षेत्रमार्फत कलाकारको हकहित, अधिकार तथा नेपाली संस्कृति संरक्षणमा लामो समयदेखि योगदान पुर्‍याउँदै आएका जनसवाल राष्ट्रिय दैनिकका सम्पादक रामजी बगाले सम्मानित भएका छन्।
राष्ट्रिय संगीतकर्मी संघ, केन्द्रीय कार्यसमितीले बगालेलाई विशेष सम्मान प्रदान गरेको हो। उक्त सम्मान नेपाल प्रहरीका महानिरीक्षक (आईजीपी) दान बहादुर कार्कीको हातबाट प्रदान गरिएको थियो।
आयोजक संस्थाका अनुसार बगालेले करिब २५ वर्षदेखि पत्रकारितामार्फत कलाकारको हकहित, पेशागत अधिकार, सामाजिक न्याय तथा सांस्कृतिक संरक्षणका विषयमा निरन्तर कलम चलाउँदै आएको योगदानको उच्च मूल्याङ्कन गर्दै सम्मान प्रदान गरिएको हो। उनले सञ्चार माध्यममार्फत कलाकार, स्रष्टा तथा संगीतकर्मीका समस्या, आवाज र उपलब्धिलाई प्राथमिकताका साथ उजागर गर्दै आएका छन्।
राष्ट्रिय संगीतकर्मी संघका अध्यक्ष प्रकाश कटुवालले पत्रकार बगालेको पत्रकारिता केवल समाचार सम्प्रेषणमा सीमित नरही कलाकार र समाजबीच सेतुको रूपमा रहेको उल्लेख गरे। कलाकारको पेशागत सुरक्षा, सम्मान र अधिकारका विषयमा उनले देखाएको निरन्तर सक्रियता अनुकरणीय रहेको संघको भनाइ थियो।
सम्मान ग्रहण गर्दै सम्पादक रामजी बगालेले राष्ट्रिय संगीतकर्मी संघप्रति आभार व्यक्त गर्दै कलाकार र स्रष्टाको पक्षमा सत्य, निष्पक्ष र जिम्मेवार पत्रकारिता निरन्तर गर्ने प्रतिबद्धता व्यक्त गरे। उनले नेपाली संगीत र सांस्कृतिक क्षेत्रका मुद्दालाई आफुले सधैं प्राथमिकतामा राख्ने बताए।
उक्त कार्यक्रममा संघका पदाधिकारी, कलाकार, समाजसेवी तथा विभिन्न क्षेत्रका विशिष्ट व्यक्तित्वहरूको उपस्थिति रहेको थियो।
राष्ट्रिय संगीतकर्मी संघले पत्रकारिता, संस्कृति तथा समाजका क्षेत्रमा उल्लेखनीय योगदान पुर्‍याउने व्यक्तित्वहरूको सम्मान गर्दै कलाकार र सञ्चारकर्मीबीच सहकार्यलाई अझ सुदृढ बनाउँदै जाने जनाएको छ।

फेसबुक प्रतिक्रिया
सम्बन्धित शीर्षकहरु