दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

मध्यपूर्वको शक्ति र विश्वव्यापी समर्थनका साथ एनआरएनए आईसीसी उपाध्यक्षमा प्रविन गुरुङको बलियो उम्मेदवारी

न्यूजलाईन्स् मिडिया संवाददाता
प्रकाशित मिति : २०८२ फाल्गुन १० गते, आईतवार ७:२५

काठमाडौं , गैरआवासीय नेपाली संघ (एनआरएनए) अन्तर्राष्ट्रिय समन्वय परिषद् (आईसीसी) उपाध्यक्ष पदमा प्रविन गुरुङको उम्मेदवारीले प्रवासी नेपाली राजनीतिमा नयाँ समीकरणको संकेत दिएको छ। मध्यपूर्वमा रहेका लाखौँ नेपाली श्रमिक, व्यवसायी तथा पेशागत समुदायको प्रतिनिधित्व गर्दै आएका गुरुङ अहिले संस्थाभित्र परिणाममुखी, समन्वयकारी र एकतामुखी नेतृत्वका रूपमा उभिएका छन्।
एनआरएनए कतारको उपाध्यक्षबाट सुरु भएको उनको यात्रा मध्यपूर्व डिआरसी, क्षेत्रीय संयोजक, आईसीसी सचिव हुँदै उपमहासचिवसम्म सफलतापुर्वक पुगेको छ। अघिल्लो निर्वाचनमा अत्याधिक मतका साथ उपमहासचिवमा निर्वाचित भएपछि उनले संस्थाभित्र कार्यसम्पादनकै आधारमा विश्वसनीयता निर्माण गरेका थिए ।
संकटमा देखिएको सक्रियता, संरचनामा देखिएको परिणाम
उपमहासचिवको जिम्मेवारी सम्हाल्दा गुरुङले दूतावास, श्रम कूटनीति संयन्त्र र एनआरएनए सञ्जालबीच प्रभावकारी समन्वय गर्दै समस्यामा परेका नेपालीहरूको उद्धार, कानुनी सहजीकरण, स्वास्थ्य सहयोग तथा सामाजिक सुरक्षा अभियानमा सक्रिय भूमिका निर्वाह गरे।
कोभिड–१९ महामारीका बेला विदेशबाट अक्सिजन सिलिन्डर तथा स्वास्थ्य सामग्री नेपाल पठाउने पहल, मध्यपूर्वमा अलपत्र परेका श्रमिकहरूको व्यवस्थापन, र आपतकालीन राहत संयोजनले उनको नेतृत्वलाई व्यवहारिक र परिणाममुखी बनायो। महाभूकम्पपछिका राहत वितरण र पुनःस्थापनामा प्रत्यक्ष सहभागिता जनाउँदै उनले “संकटमा साथ दिने एनआरएनए” को छवि सुदृढ गरेका थिए।
गुरुङले मध्यपुर्वमा रहेर आफ्नो ब्याबसाय र सामाजिक कार्यसङ्गै नेपाली कलाकारितालाई पनि बिश्वमाझ चिनाउन सक्रिय भुमिका खेलेका छन । उनले कतारमा नेपाल आईडलको ग्रान्ड फिनाले,द भ्वाईस अफ नेपालको ग्रान्ड फिनालेजस्ता चर्चित कार्यक्रम गराईसकेका छन । उनले एनआरएनए सिङ्गिङ आईडल गराउनसमेत बिशेष योगदान दिएका थिए ।
मध्यपूर्वदेखि विश्वसम्म फैलिएको समर्थन
कतार, साउदी अरब, यूएई, कुवेत, ओमान र बहराइनजस्ता देशमा सक्रिय नेपाली समुदायबीच गुरुङले संस्थाप्रति अपनत्वको भावना विकास गराएका छन्। श्रमिकदेखि व्यवसायी, युवा देखि पेशागत वर्गसम्मलाई जोड्ने उनको शैलीले मध्यपूर्वमा एनआरएनएको आधार विस्तार भएको विश्लेषण गरिएको छ।
उनलाई एशिया प्यासिफिक, अमेरिकाज र युरोपियन क्षेत्रबाट समेत व्यापक समर्थन प्राप्त भइरहेको छ। यसले उनको उम्मेदवारीलाई क्षेत्रीय सीमाभन्दा धेरै माथि उठाएर विश्वव्यापी समर्थनसहितको दाबेदारीमा रूपान्तरण गरेको छ।
एकता, प्रत्यक्ष निर्वाचन र संस्थागत सुधारको एजेन्डा
एनआरएनएभित्र देखिएको मतभेद अन्त्य गर्दै संस्थालाई एकताबद्ध बनाउने उनको मुख्य एजेन्डा हो। “देश र नेपालीका लागि स्थापना भएको संस्था आफैंभित्र जुधेर बस्नु हुँदैन,” भन्ने उनको स्पष्ट धारणा छ।
प्रत्यक्ष निर्वाचन प्रणाली लागू गर्नुपर्ने उनको प्रस्तावलाई संस्थागत लोकतन्त्र सुदृढीकरणको पहलका रूपमा हेरिएको छ। पारदर्शिता, सहभागिता र जवाफदेहितालाई प्राथमिकता दिने नेतृत्व आवश्यक रहेको उनको तर्क छ।

भाषणभन्दा काम, पदभन्दा सेवा र प्रचारभन्दा परिणामलाई प्राथमिकता दिने कार्यशैलीका कारण प्रविन गुरुङ आज आईसीसी उपाध्यक्ष पदका लागि केवल उम्मेदवार मात्र नभई संस्थागत स्थायित्व, एकता र प्रभावकारी नेतृत्वको प्रतीकका रूपमा उभिएका छन्। उनको उम्मेदवारीलाई बिश्वले स्वागत गरेको छ ।
आगामी निर्वाचनले एनआरएनएको भावी दिशा निर्धारण गर्ने सन्दर्भमा गुरुङको उम्मेदवारीलाई मध्यपूर्वका लाखौँ नेपालीको आवाजलाई अन्तर्राष्ट्रिय मञ्चमा संस्थागत र निर्णायक रूपमा स्थापित गर्ने अवसरका रूपमा विश्लेषण गर्न थालिएको छ।

फेसबुक प्रतिक्रिया
सम्बन्धित शीर्षकहरु