तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

मन्त्रिपरिषदका चार महत्वपूर्ण निर्णय: शहीदप्रति श्रद्धाञ्जलीदेखि शासकीय सुधारसम्म

न्यूजलाईन्स् मिडिया संवाददाता
प्रकाशित मिति : २०८२ चैत्र १४ गते, शनिबार ६:३७

काठमाडौं । शुक्रबार बसेको नवनिर्मित मन्त्रिपरिषद् बैठकले देशको समसामयिक परिस्थिति र सुधारका विषयमा केन्द्रित चार महत्वपूर्ण निर्णयहरू गरेको छ। बैठकले विशेषगरी भदौ २३ र २४ गते भएका आन्दोलन तथा त्यससँग सम्बन्धित घटनाका क्रममा ज्यान गुमाएका शहीदहरूप्रति गहिरो श्रद्धाञ्जली अर्पण गरेको छ।

त्यसैगरी, सरकारले शिक्षा मन्त्री सस्मित पोखरेललाई मन्त्रिपरिषद्को आधिकारिक प्रवक्ताको जिम्मेवारी प्रदान गर्ने निर्णय गरेको छ। अब सरकारका धारणा तथा निर्णयहरू सार्वजनिक गर्ने जिम्मा उहाँले सम्हाल्ने छन्।

मन्त्रिपरिषद्ले भदौ २३ र २४ गतेको जेनजी आन्दोलनको दमनसम्बन्धी विषयमा गठित जाँचबुझ आयोगको प्रतिवेदन तत्काल कार्यान्वयन गर्ने निर्णय पनि गरेको छ। सरकारका प्रवक्ता पोखरेलका अनुसार यसले घटनाको निष्पक्ष छानबिन र न्यायिक प्रक्रियालाई अघि बढाउने अपेक्षा गरिएको छ।

यसका साथै, शासकीय सुधारलाई प्रभावकारी बनाउने उद्देश्यले सरकारले १०० बुँदे कार्यसूची स्वीकृत गरेको छ, जसले प्रशासनिक पारदर्शिता, सेवा प्रवाह सुधार तथा सुशासन प्रवर्द्धनमा सहयोग पुर्‍याउने विश्वास लिइएको छ।

मन्त्रिपरिषद्का मुख्य निर्णयहरू:
१. भदौ २३–२४ का शहीदहरूप्रति श्रद्धाञ्जली व्यक्त गर्ने।
२. शिक्षा मन्त्री सस्मित पोखरेललाई सरकारको प्रवक्तामा नियुक्त गर्ने।
३. शासकीय सुधारका लागि १०० बुँदे कार्यसूची स्वीकृत गर्ने।
४. जेनजी आन्दोलनसम्बन्धी जाँचबुझ आयोगको प्रतिवेदन तत्काल कार्यान्वयन गर्ने।

फेसबुक प्रतिक्रिया
सम्बन्धित शीर्षकहरु