दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

मिङ्मा शेर्पा सम्मानित

न्यूजलाईन्स् मिडिया संवाददाता
प्रकाशित मिति : २०८२ चैत्र २२ गते, आईतवार ४:१९

काठमाडौं । नेपाल क्लाइम्बिङ स्पोर्ट्स एसोसिएसन (एनसीएसए) ले शनिबार मिङ्मा डेभिड ग्याबु शेर्पालाई राष्ट्रिय स्वतन्त्र पार्टीबाट समानुपातिक प्रणाली अन्तर्गत प्रतिनिधि सभाको सदस्य नियुक्त भएको अवसरमा सम्मान गरेको छ ।
एनसीएसएले शनिबार काठमाडौंमा आयोजित एक कार्यक्रममा शेर्पालाई प्रतिनिधि सभा सदस्य निर्वाचित भएकोमा बधाई ज्ञापन गर्दै सम्मानपत्रद्वारा सम्मान गरेको हो ।
एनसीएसएबा अध्यक्ष रमेश कुमार पौडेलले शेर्पालाई सम्मान पत्र प्रदान गर्दै बधाई तथा सफल कार्यकालको शुभकामना व्यक्त गरे ।
पौडेलले साहसिक खेलकुद र पर्यटन क्षेत्रमा रहेका प्रमुख चुनौतीहरूलाई राष्ट्रिय नीतिगत तहमा समाधान गर्न शेर्पाले महत्वपूर्ण भूमिका खेल्नेमा दृढ विश्वास व्यक्त गरे । साथै, यस क्षेत्रको दिगो विकास र संस्थागत सुदृढीकरणका लागि यी विषयहरू संसदमा उठाइनु अत्यावश्यक रहेको विषयमा पनि पौडेलले जोड दिए ।
प्रख्यात पर्वतारोही, गिनिज वर्ल्ड रेकर्डधारी तथा समाजसेवी शेर्पालाई उनको नयाँ जिम्मेवारी तथा आगामी योगदानका लागि एनसीएसका सम्पूर्ण बोर्ड सदस्यहरूले हार्दिक बधाई तथा शुभकामना व्यक्त गरेका छन् ।
कार्यक्रमलाई सम्बोधन गर्दै सांसद शेर्पाले नेपालमा खेलकुद तथा साहसिक पर्यटनको विकासका लागि समन्वित प्रयासको आवश्यकता रहेको बताए । साथै उनले बुढानिलकण्ठमा एनसीएसएका लागि उपलब्ध गराइएको जग्गामा वाल क्लाइम्बिङ सहित बहुउद्देश्यीय रंगशाला निर्माण गर्ने प्रस्ताव समेत अघि सारे । प्रस्तावित संरचनामा आइस क्लाइम्बिङ र स्किइङका लागि पूर्वाधार, खेलाडीहरूको प्रशिक्षण र सीप विकासका लागि छात्रावास तथा आवश्यक सुविधा समावेश गर्न सकिने शेर्पाले बताए ।
शेर्पाले साहसिक खेलकुद र पर्यटन क्षेत्रमा देखिएका समस्याहरू संसदमा उठाउने तथा दीर्घकालीन नीतिगत समाधानका लागि निरन्तर पहल गर्ने प्रतिबद्धता समेत व्यक्त गरे ।

फेसबुक प्रतिक्रिया
सम्बन्धित शीर्षकहरु