
काठमाडाैँ । काठमाण्डौंको चण्डोलस्थित विशाल मिलन वैज्ञानिक योग साधना कक्षमा आज बिहान विशेष कार्यक्रमको आयोजना गरिएको छ। नियमित सामूहिक योग साधनापछि योग साधकहरूबीच नव वर्ष २०८३ को उपलक्ष्यमा आपसी शुभकामना आदानप्रदान गरिएको हो।
उक्त अवसरमा योग साधक डा. विज्ञानभिक्षुद्वारा लिखित तथा मकालु ग्रुप अफ कम्पनी प्रा.लि.द्वारा हालै प्रकाशित पुस्तक ‘निजत्वको नियात्रा’ को पनि लोकार्पण गरिएको छ।
पुस्तकको लोकार्पण ८६ वर्षीया आमा शक्तिदेवी आचार्य, गुरु डा. दीपक आचार्य, ८१ वर्षीय योग साधक इन्द्रबहादुर अधिकारी, वरिष्ठ सञ्चारकर्मी धन लामा तथा लेखक डा. विज्ञानभिक्षु स्वयंले संयुक्त रूपमा गरेका थिए।


