दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

उमा कुङफुले मनायो विश्व ताइची तथा छिगोङ दिवस

न्यूजलाईन्स् मिडिया संवाददाता
प्रकाशित मिति : २०८३ बैशाख १३ गते, आईतवार ६:१७

काठमाडौं बैशाख १२ गते ।

नेपालमा पनि विश्व ताइची तथा छिगोङ दिवस शनिबार मनाइएको छ । हरेक वर्षझै विविध कार्यक्रम आयोजना गरी नेपाल उमा कुङफु संघले दिवस मनाएको हो ।
बूढानीलकण्ठ नगरपालिकाकी उप मेयर अनिता लामाले बूढानीलकण्ठ मन्दिर परिसरमा आयोजित कार्यक्रमको उद्घाटन गरिन् । बूढानीलकण्ठ नगरपालिका वडा ३ को सहयोगमा भएको कार्यक्रममा २ सय ५० भन्दा बढीको सहभागिता रहेको नेपाल उमा कुङफु संघले जनाएको छ ।
कार्यक्रममा बूढानीलकण्ठ लायन ड्रागन एसोसिएसनका खेलाडीले आकर्षक लायन डान्स प्रस्तुत गरेका थिए । खेलाडीले छिगोङ, ताइची २४ फम, चाइची स्वोर्ड र ताइची ४२ फम विधाको कलात्मक प्रस्तुती पनि प्रदर्शन गरेको उमा कुङफु संघका अध्यक्ष संजीतकुमार राईले जनाएका छन् ।
सो अवसरमा शंखपार्क ताइची तथा छिगोङ क्लबका चन्द्रबहादुर शाह, हरिकुमार कार्की र श्यामप्रसाद गौतम तथा बूढानीलकण्ठ नगरपालिका वडा ३ का सदस्य पूर्व फुटबलर विकास तामाङलाई सम्मान गरिएको थियो । त्यस्तै करातेकर्मी जनकसिंह खड्का र अन्नपूर्ण पोष्टका खेलकुद पत्रकार विष्णु थापालाई नेपाल उमा कुङफु संघको मानार्थ सदस्य प्रदान गरिएको थियो ।
कार्यक्रममा चीन कल्चर सेन्टरका डेपुटी डाइरेक्टर लिउ झान्पिङ, बूढानीलकण्ठ नगरपालिका वडा ३ का अध्यक्ष आकाश धिताल, नेपाल उमा कुङफु संघका उपाध्यक्ष भूपेन्द्र गुरुङ, उपाध्यक्ष रमेश महर्जन, उपाध्यक्ष एवं कार्यक्रम संयोजक सुमन लामा, विभिन्न क्लब र विद्यालयका खेलाडी, प्रशिक्षक, उमा कुङफु संघका पदाधिकारीलगायतको सहभागिता रहेको थियो ।

फेसबुक प्रतिक्रिया
सम्बन्धित शीर्षकहरु