दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

पोखरा चाइल्ड स्टार’को सिजन–५ भव्य रूपमा सम्पन्न

न्यूजलाईन्स् मिडिया संवाददाता
प्रकाशित मिति : २०८३ बैशाख १५ गते, मंगलवार ११:१३

पोखरा । बालबालिकाको अन्तरनिहित प्रतिभा प्रस्फुटन गर्ने उद्देश्यले पोखरामा आयोजना हुँदै आएको ‘पोखरा चाइल्ड स्टार’को सिजन–५ भव्य रूपमा सम्पन्न भएको छ।
नन्द इन्टरटेन्मेन्ट हाउसको आयोजनामा शनिबार पोखरा उद्योग वाणिज्य संघमा सम्पन्न ग्राण्ड फिनालेमा सहभागी बालबालिकाले नृत्य, प्रस्तुति कला, आत्मविश्वास तथा सिर्जनशीलताको उत्कृष्ट प्रदर्शन गरेका थिए।

प्रतियोगिताको गल्र्सतर्फ शिक्षिता रञ्जित विजेता घोषित भएकी छन्। रोस्लिना राना मगर फस्र्ट रनरअप, तिथि मोर सेकेण्ड रनरअप, समृद्धि बराल थर्ड रनरअप र सिम्रन श्रेष्ठ फोर्थ रनरअप बने।
यस्तै, ब्याइजतर्फ प्रनिश विश्वकर्मा विजेता बनेका छन्। रोनिश पौडेल सेकेण्ड रनरअप तथा शिवंश लामिछाने थर्ड रनरअप घोषित भए।

गण्डकी प्रदेश सभा सदस्य दमयन्ती रुचालको प्रमुख आतिथ्यमा सम्पन्न कार्यक्रम इन्टरनेशनल कलेज अफ एप्लाइड साइन्स (आइक्यास) का सिइओ समीर थापाको अध्यक्षतामा भएको थियो। कार्यक्रममा विभिन्न संघसंस्थाका प्रतिनिधि, अभिभावक तथा दर्शकहरूको उल्लेख्य उपस्थिति रहेको थियो।

निर्णायक मण्डलमा समाजसेवी सीता शर्मा, गायिका दिलकुमारी खाँड, पोखरा लेडी जेसिजकी अध्यक्ष सुनिता भण्डारी, पत्रकार तथा गीतकार आरजू विष्ट सल्यानी, गायक रामप्रसाद गुरुङ र कलाकार एवं समाजसेवी बुद्ध तामाङ रहेका थिए।

कार्यक्रमलाई विभिन्न सांस्कृतिक तथा मनोरञ्जनात्मक प्रस्तुति र उत्साहजनक वातावरणले थप आकर्षक बनाएको थियो। प्रतियोगिताले बालबालिकाको प्रतिभा उजागर गर्दै भविष्यमा ठूला मञ्चसम्म पुग्ने अवसर प्रदान गर्ने लक्ष्य राखेको आयोजकले जनाएको छ।

आइक्यासको विशेष सहयोग रहेको कार्यक्रम सञ्चारकर्मी दीपेन्द्र शाही ‘देवेन्द्र’ ले सञ्चालन गरेका थिए। गत वर्ष सम्पन्न सिजन–४ मा पोखरा पब्लिक स्कुलका प्रवीन श्रेष्ठ र सेन्ट मेरी स्कुलकी आइरा गुरुङ विजेता बनेका थिए।

फेसबुक प्रतिक्रिया
सम्बन्धित शीर्षकहरु