तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

नेपाल मेडिकल कलेजद्वारा हजयात्रीलाई स्वास्थ्य सामग्री प्रदान

न्यूजलाईन्स् मिडिया संवाददाता
प्रकाशित मिति : २०८३ बैशाख २५ गते, शुक्रबार ५:३२

काठमाडौं । नेपाल मेडिकल कलेजले नेपालबाट साउदी अरबको मक्का मदिनामा हज यात्राका लागि जाने नेपाली हजयात्रीहरुलाई आपत्कालिन स्वास्थ्य सामग्रीहरु प्रदान गरेको छ । नेपाल हज समितिका पदाधिकारीहरुलाई कलेजले हजयात्राका क्रममा अत्यावश्यक पर्ने औषधी तथा स्वास्थ्य सामग्रीहरु प्रदान गरेको हो ।

बुधबार कलेजका अध्यक्ष प्रा.डा. जैनुद्धिन अन्सारीले हज समितिका अध्यक्ष मोख्तार अहमदलाई स्वास्थ्य सामग्री प्रदान गर्दै हजयात्रीहरुको सुखद् यात्राको शुभकामना पनि दिनुभयो । “हजमा जानु भनेको मुस्लिम समुदायको लागि पवित्र कार्य हो । गतवर्षजस्तै यो वर्षपनि यहाँहरुले सफलतापूर्वक नेपाली मुस्लिम समुदायका हजयात्रीहरुलाई हज यात्रा सम्पन्न गराउनु हुनेछ भन्नेमा हामी विस्वस्त छौं ।” कलेजका अध्यक्ष प्रा.डा. अन्सारीले भन्नुभयो । साथै, उहाँले हजयात्रामा आइपर्ने संभावित समस्याहरु बारे समितिलाई जानकारी गराउँदै आवश्यक समन्वय र सहकार्यका लागि आफ्नो तर्फबाट सहजीकरण गर्न तत्पर रहेको बताउनु भयो ।

नेपाल हज समितिका अध्यक्ष मोख्तार अहमदले गतवर्ष नेपालको हज समितिले नेपाली हजयात्रीहरुलाई कुशल व्यवस्थापन गरेको भन्दै साउदी सरकारले सम्मानका लागि छनौट समेत गरेको अवगत गराउँदै यो पटक पनि समितिले हजयात्रीहरुलाई कुनैपनि प्रकारको समस्या नपर्ने गरी व्यवस्थापन गरेको जानकारी दिनुभयो ।

साउदी अरब सरकारले नेपालबाट प्रत्येक वर्ष १२ सय जनालाई हज यात्राका लागि कोटा प्रदान गर्दै आइरहेको छ । यो वर्ष आउँदो शनिबारबाट हजयात्रा सुरु हुने अध्यक्ष मोख्तारले जनाउनु भयो । समितिले हरेक वर्ष देशभरबाट हजयात्रामा जाने मुस्लिम नागरिकहरुलाई दरखास्त दिन आब्हान गर्दछ । सोही अनुरुप यो वर्षका लागि १२ सय ५६ जनाले आवेदन दिएका मध्ये प्राथमिकताको आधारमा १२ जना छनौट गरिएको थियो ।

फेसबुक प्रतिक्रिया
सम्बन्धित शीर्षकहरु