तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

रिभान सम्मानित

न्यूजलाईन्स् मिडिया संवाददाता
प्रकाशित मिति : २०८३ जेष्ठ २ गते, शनिबार ५:२७

यल टेबलटेनिसले दक्षिण एसियाली युथ टेबलटेनिस च्याम्पियनसिपका पदक विजेता आफ्ना खेलाडी रिभानमुनि वज्राचार्यलाई नगदसहित शुक्रबार सम्मान गरेको छ ।
भारतको सिम्लामा अप्रिल ८ देखि ११ तारिखसम्म भएको उक्त प्रतियोगितामा रिभानले १ रजत र २ कांस्य गरी ३ पदक जितेका थिए । उनले यु–१५ ब्वाइज डबल्समा रजत तथा यु–१५ ब्वाइज टिम इभेन्ट र सिंगल्समा कांस्य जितेका थिए ।
सोही अवसरमा दक्षिण कोरियाको इन्चोनमा हुने इन्टरनेसनल क्रिस्टियन टेबलटेनिस प्रतियोगितामा सहभागी हुने आफ्ना खेलाडी रिजन शाक्यलाई पनि बिदाइ गरेको थियो । उक्त प्रतियोगितामा रिभान र रिजनसहित नेपालबाट ६ खेलाडी सहभागी हुँदै छन् । प्रतियोगिताअघि खेलाडीले इन्चोनमै मे १६ देखि २६ तारिखसम्म याङ योङजा टेबलटेनिस मिसन इन्टरनेसनल क्याम्पमा सहभागी हुने छन् । टोली शनिबार प्रस्थान गर्ने छ ।
दुवैलाई अखिल नेपाल टेबलटेनिस संघका पूर्व उपाध्यक्ष एवं खेल प्रेमी सुमन खड्गी, यलका अध्यक्ष राजीव जोशी, उपाध्यक्ष अजय जोशी र सचिव प्रमोद शर्मा, सम्झना ल्याबकी प्रमुख कार्यकारी अधिकृत रजना श्रेष्ठ जोशीलगायतले एक कार्यक्रमबीच सम्मान र बिदाइ गरे । सो अवसरमा सम्झना ल्याबकी प्रमुख कार्यकारी अधिकृत रजना श्रेष्ठ जोशीले दुवै खेलाडीलाई प्रोत्साहन स्वरुप नगद प्रदान गरेकी थिइन् ।

फेसबुक प्रतिक्रिया
सम्बन्धित शीर्षकहरु