
गोबिन्द राज ओझा (राजन )
तिम्रो मनमा डुबेकी छु,
सपना जस्तै फुलेकी छु ।
अब म साँच्चै भन्न सक्छु,
तिमी कति सुन्दर छौ ।
तिमी नजिक आउँदा प्रिय,
मेरो मन किन काँप्छ यो ?
तिम्रा मीठा कुरा सुन्दा,
भावनाले छोप्छ यो ।
तिमीले मलाई छुँदा,
छालामा आगो बल्छ जस्तो,
मुटुभित्र कम्पन उठ्छ,
मायाले बोल्छ जस्तो ।
तिमी मेरो गीत बनेका,
तिमी मेरो प्राण बनेका,
जिन्दगीको प्रत्येक मोडमा,
तिमी नै संसार बनेका ।
तिम्रा आँखाका ती इशारा,
मेरो मनले बुझ्छन् चुपचाप ।
तिम्रो मुस्कान देख्नासाथ,
फुल्छन् रहर हजारौं आप ।
तिम्रो साथमा बितेका पल,
स्वर्गभन्दा प्यारो लाग्छ ।
तिमी बिना यो मनलाई,
हरेक खुसी अधुरो लाग्छ ।
तिमीले मलाई छुँदा,
छालामा आगो बल्छ जस्तो,
मुटुभित्र कम्पन उठ्छ,
मायाले बोल्छ जस्तो ।
तिमी मेरो गीत बनेका,
तिमी मेरो प्राण बनेका,
जिन्दगीको प्रत्येक मोडमा,
तिमी नै संसार बनेका ।
जून बनेर रात उज्यालो,
घाम बनेर दिन सजाऊ ।
मेरो मनको खाली आँगन,
मायाका फूलले भरिदेऊ ।
तिम्रो नामको धुन सुन्दै,
यो मन सधैं रमाइरहोस् ।
हाम्रो प्रेमको यो कथा,
समयसँगै अमर बनोस् ।
तिम्रो मनमा डुबेकी छु,
तिमीभित्र हराएकी छु ।
अब म साँच्चै भन्न सक्छु,
तिमी नै मेरो संसार हौ ।
तिमी नै मेरो संसार हौ…


