दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

प्रथम राष्ट्रिय फुल कन्ट्याक्ट कराते प्रतियोगिता सुरु

न्यूजलाईन्स् मिडिया संवाददाता
प्रकाशित मिति : २०८३ जेष्ठ २३ गते, शनिबार २०:४६

काठमाडौं । नेपाल फुल कन्ट्याक्ट कराते महासंघको आयोजनामा प्रथम राष्ट्रिय फुल कन्ट्याक्ट कराते प्रतियोगिता आज शनिबारदेखि त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सुरु भएको छ ।

प्रतियोगिताको उद्घाटन राष्ट्रिय खेलकुद परिषद्का सदस्य–सचिव रामचरित्र मेहता ले एक कार्यक्रमबीच गरेका हुन् ।

महासंघका अध्यक्ष सूर्य बहादुर बुढाथोकी ले प्रतियोगिताले नेपाली खेलकुद क्षेत्रमा नयाँ ऊर्जा थप्ने विश्वास व्यक्त गर्दै फुल कन्ट्याक्ट करातेलाई राष्ट्रिय तथा अन्तर्राष्ट्रिय स्तरमा स्थापित गर्ने लक्ष्य रहेको बताए ।

उनले भने, “नेपालमा पहिलोपटक राष्ट्रिय स्तरमा फुल कन्ट्याक्ट कराते प्रतियोगिता आयोजना गर्न पाउँदा हामी उत्साहित छौं । यस प्रतियोगिताले नयाँ प्रतिभावान खेलाडी उत्पादन गर्नुका साथै नेपाली खेलाडीलाई अन्तर्राष्ट्रिय प्रतिस्पर्धाका लागि तयार बनाउन महत्वपूर्ण भूमिका खेल्नेछ ।”

उनका अनुसार प्रतियोगितामा सातै प्रदेश, नेपाल आर्मी तथा एपीएफका गरी १ सय २५ खेलाडी सहभागी छन् । प्रतियोगितामा पुरुष खुला, पुरुष ५५ केजीमुनि, महिला खुला तथा महिला ५० केजीमुनि गरी चार स्पर्धामा प्रतिस्पर्धा भइरहेको छ ।

चारै स्पर्धामा उत्कृष्ट प्रदर्शन गर्दै शीर्ष तीन स्थान हासिल गर्ने खेलाडीले क्रमशः २० हजार, १० हजार र ५ हजार रुपैयाँ नगद पुरस्कार प्राप्त गर्ने आयोजकले जनाएको छ ।

अध्यक्ष बुढाथोकीले आगामी दिनमा अझ व्यवस्थित र अन्तर्राष्ट्रिय मापदण्डअनुसार प्रतियोगिता आयोजना गर्दै फुल कन्ट्याक्ट करातेलाई देशव्यापी रूपमा विस्तार गरिने समेत जानकारी दिए । प्रतियोगिता आइतबार सम्पन्न हुनेछ ।

फेसबुक प्रतिक्रिया
सम्बन्धित शीर्षकहरु