दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

पट्टायामा हरितालिका तीज विशेष कार्यक्रम सम्पन्न

न्यूजलाईन्स् मिडिया संवाददाता
प्रकाशित मिति : २०८३ भाद्र ३१ गते, बुधबार १४:३०

पट्टाया, थाइल्याण्ड — थाइल्याण्डको पट्टायामा गैरआवासीय नेपाली संघ (एनआरएनए) एनसीसी थाइल्याण्डअन्तर्गत एनआरएनए पट्टाया शाखाको आयोजनामा हरितालिका तीज विशेष कार्यक्रम–२०२६ भव्य एवं सभ्य रूपमा सम्पन्न भएको छ।

प्रवासमा नेपाली संस्कृति, परम्परा र मौलिक पहिचानको संरक्षण गर्ने उद्देश्यसहित आयोजित कार्यक्रममा धार्मिक पूजा–आराधना, सांस्कृतिक प्रस्तुति तथा २० जना अग्रज आमाहरूलाई सम्मान गरिएको थियो।

कार्यक्रममा एनआरएनए अभियन्ता तथा आयोजकहरू प्रेमकुमार अधिकारी, बिक्रम अधिकारी, हिराकाजी श्रेष्ठ र विष्णुप्रसाद पाण्डे लगायतको सहभागिता रहेको थियो।

आयोजकहरूले प्रवासमा नेपाली संस्कृति, परम्परा र सामाजिक एकतालाई निरन्तरता दिन यस्ता कार्यक्रमको महत्व रहेको बताएका थिए।

कार्यक्रममा भगवान् शिव, पार्वती तथा गणेशको पूजा–आराधना गरिएको थियो। साथै नेपालमा हालै आएको बाढी–पहिरो तथा प्राकृतिक विपत्तिमा परी ज्यान गुमाएका नागरिकप्रति श्रद्धाञ्जली अर्पण गर्दै एक मिनेट मौनधारण गरिएको थियो। विपत्तिमा घाइते भएकाहरूको शीघ्र स्वास्थ्यलाभ तथा बेपत्ता नागरिकहरू सुरक्षित रूपमा फेला परून् भन्ने कामनासमेत गरिएको थियो।

तीज गीत तथा सांस्कृतिक प्रस्तुतिले बढायो रौनक

कार्यक्रममा नेपाली संस्कृति, परम्परा तथा हरितालिका तीजको धार्मिक एवं सामाजिक महत्वलाई उजागर गर्दै विभिन्न सांस्कृतिक नृत्य तथा प्रस्तुतिहरू प्रस्तुत गरिएका थिए। सहभागीहरूले तीज गीत तथा नृत्यमार्फत नेपाली मौलिक संस्कृति र परम्पराप्रतिको आत्मीयता प्रस्तुत गरेका थिए।

अग्रज आमाहरूलाई सम्मान

कार्यक्रममा २० जना अग्रज आमाहरूलाई सम्मान गरिएको थियो। प्रवासमा नेपाली समाजको विकास, संस्कार र सामाजिक एकतामा अग्रज पुस्ताले पुर्‍याएको योगदानको कदर गर्दै सम्मान गरिएको आयोजकले जनाएको छ। सम्मान कार्यक्रमले पुस्तान्तरण, आपसी सद्भाव र नेपाली मौलिक परम्पराप्रतिको सम्मानलाई थप बलियो बनाएको थियो।

विदेशमा रहेर पनि नेपाली चाडपर्व, भाषा, संस्कार र सांस्कृतिक पहिचानलाई निरन्तरता दिने उद्देश्यले कार्यक्रम आयोजना गरिएको आयोजकले जनाएको छ।

फेसबुक प्रतिक्रिया
सम्बन्धित शीर्षकहरु